ଭୁବନେଶ୍ବର: ଋଷ-ୟୁକ୍ରେନ ମଧ୍ୟରେ ଚାଲିଛି ଘମାଘୋଟ ଲଢେଇ । ଉଡୁଛି ଯୁଦ୍ଧ ବିମାନ । ପଡୁଛି ଯୁଦ୍ଧାସ୍ତ୍ର । ୟୁକ୍ରେନର ଅନେକ ସହର ଉପରେ ଏବେ ଋଷର ଟାର୍ଗେଟ ।
ଏହାରି ଭିତରେ ଫସି ରହିଛନ୍ତି ଅନେକ ଓଡିଆ ଶ୍ରମିକ ଓ ଛାତ୍ରଛାତ୍ରୀ । ସେମାନଙ୍କୁ ଦେଶକୁ ଫେରାଇ ଆଣିବା ଲାଗି ପ୍ରକ୍ରିୟା ଆରମ୍ଭ କରିଛନ୍ତି ରାଜ୍ୟ ସରକାର । ୟୁକ୍ରେନରେ ଫସିଥିବା ପ୍ରବାସୀ ଶ୍ରମିକ ଓ ଛାତ୍ରଙ୍କୁ ଫେରାଇ ଆଣିବା ଲାଗି ପଦକ୍ଷେପ ନେଉଛନ୍ତି ରାଜ୍ୟ ସରକାର ।
ରାଜ୍ୟ ସରକାରଙ୍କ ପକ୍ଷରୁ ଦିଲ୍ଲୀରେ ଖୋଲିଲା ଓଡିଶାର ସ୍ବତନ୍ତ୍ର ସହାୟତା କେନ୍ଦ୍ର । ଦିଲ୍ଲୀରେ ଅବସ୍ଥାପିତ ଆବାସିକ କମିଶନର ତଥା ଆଇପିଏସ ରବି କାନ୍ତଙ୍କୁ ଏହି ସ୍ବତନ୍ତ୍ର ସହାୟତା କେନ୍ଦ୍ରର ନୋଡାଲ ଅଫିସର କରାଯାଇଛି । ଦିଲ୍ଲୀ ଓଡିଶା ଭବନର ଆବାସିକ କମିଶରଙ୍କ କାର୍ଯ୍ୟାଳୟରେ ଏହି ସ୍ବତନ୍ତ୍ର ସହାୟତା କେନ୍ଦ୍ର ଖୋଲା ଯାଇଛି ।
ଏହି ସ୍ବତନ୍ତ୍ର ସହାୟତା କେନ୍ଦ୍ରର Whatsapp ନମ୍ବର, ଲ୍ୟାଣ୍ଡ ଲାଇନ ନମ୍ବର ଓ ମେଲ ଆଇଡି ଜାରି କରାଯାଇଛି । ୟୁକ୍ରେନରେ ରହୁଥିବା ଓଡିଆ ଓ ସେମାନଙ୍କ ପରିବାରକୁ ଯୋଗାଯୋଗ କରିବା ଲାଗି ପରାମର୍ଶ ଦିଆଯାଇଛି ।
ସହାୟତା ପାଇଁ ଯୋଗାଯୋଗ କରନ୍ତୁ -
ମୋବାଇଲ ହ୍ବାଟସଆପ-8527580245
ଲ୍ୟାଣ୍ଡଲାଇନ -011-23012751
ଇମେଲ - re.odishaAgmail.com / rescm-orgnic.in
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
