ଭୁବନେଶ୍ବର: ପୁଣି ଚିନ୍ତା ବଢାଇଲା କୋରୋନା(Covid New Case) । ନୂଆ ଭାରିଆଣ୍ଟ(New Corona Variant) ଚିହ୍ନଟ ପରେ କଟକଣା ଜାରି କଲେ ଉଭୟ ରାଜ୍ୟ ଓ କେନ୍ଦ୍ର ସରକାର । ଆଫ୍ରିକୀୟ ଦେଶରୁ ଆସୁଥିବା ଯାତ୍ରୀଙ୍କ ଉପରେ କଡା ନଜର ରଖିବାକୁ ନିର୍ଦ୍ଦେଶ ।
New Varient Identify: ଆଫ୍ରିକୀୟ ଦେଶରୁ ଆସିଲେ 10 ଦିନ ଆଇସୋଲେସନ
ଗାଇଡଲାଇନ ଅନୁସାରେ ଜଣେ ଯାତ୍ରୀ ଯଦି ଦକ୍ଷିଣ ଆଫ୍ରିକା, ବୋଷ୍ଟୱାନ ଓ ହଂକଂରୁ ଆସୁଛନ୍ତି ତେବେ ପ୍ରଥମେ ଟେଷ୍ଟିଂ ପରେ ଅତି କମରେ 10 ଦିନ ପାଇଁ ଆଇସୋଲେସନ ରହିବାକୁ ହେବ । ଯଦି ପଜିଟିଭ ଆସେ ତାହେଲେ ପ୍ରଜାତି ଯାଞ୍ଚ କରାଯିବ । ତାହେଲେ ଯାଇ ଏହାକୁ ରୋକି ପାରିବା ବୋଲି DMET ରମା ରମଣ ମହାନ୍ତି କହିଛନ୍ତି । ପ୍ରଜାତି ନୂଆ ହୋଇ ଥିବାରୁ ଏହାର ଭୟବହତା ଓ ତୀବ୍ରତା ଜଣାପଡି ନାହିଁ । ବର୍ତ୍ତମାନ ରାଜ୍ୟର ସ୍ଥିତି ଭଲ ଥିବା ସେ କହିଛନ୍ତି । ତେବେ ନୂଆ ପ୍ରଜାତି ହେଉଛି B11.529 ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
