ଭୁବନେଶ୍ବର:ରୋଗୀ ପରାମର୍ଶ ନେଇ ଡାକ୍ତରଙ୍କୁ ସ୍ବତନ୍ତ୍ର ଟିପ୍ସ ଦେଲେ ରାଜ୍ୟପାଳ (Governor Tips To Doctors) । ଓଡିଶା ମେଡିକାଲ୍ ସର୍ଭିସେସ୍ ଆସୋସିଏସନ ବା ଓମସା ଏକ କାର୍ଯ୍ୟକ୍ରମରେ ଯୋଗଦେଇ ଡାକ୍ତରଙ୍କୁ ଟିପ୍ସ ଦେଇଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ।
ବୁଧବାର ଓଡିଶା ମେଡିକାଲ୍ ସର୍ଭିସେସ୍ ଆସୋସିଏସନ ବା ଓମସା ପକ୍ଷରୁ ନୂତନ ଭବନ ଉଦଘାଟନ କରିଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ୍। ଓମସାର ୬୮ତମ ବାର୍ଷିକ ସମ୍ମିଳନୀ ଆୟୋଜନ ଅବସରରେ ଭୁବନେଶ୍ବର ୟୁନିଟ ୬ ଅଂଚଳରେ ଏହାର ସ୍ବତନ୍ତ୍ର ନିଜସ୍ବ ଭବନ ଉଦଘାଟନ ହୋଇଛି। ଏହି ଅବସରରେ ରୋଗୀ ପରାମର୍ଶ ନେଇ ଡାକ୍ତରଙ୍କୁ ସ୍ବତନ୍ତ୍ର ଟିପ୍ସ ଦେଇଛନ୍ତି ରାଜ୍ୟପାଳ । ଡାକ୍ତର ମାନଙ୍କ ଉପରେ ଭରସା କରି ରୋଗୀ ଆସିଥାଏ ଓ ସେମାନଙ୍କ ମାନସିକି ସ୍ଥିତି ପରଖି ଉପଚାର କଲେ ୮୦ ରୁ ୯୦ ଭାଗ ରୋଗ ଉପଶମ ହୋଇପାରିବ । ତେଣୁ ଏ ଦିଗରେ ଡାକ୍ତର ମାନେ କାର୍ଯ୍ୟ କରିବା ଉଚିତ । ମୁଖ୍ୟ ଅତିଥି ଭାବେ ରାଜ୍ୟପାଳ ଯୋଗ ଦେଇଥିବା ବେଳେ ସ୍ବାସ୍ଥ୍ୟ ବିଭାଗ ଓ ଜନସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ପ୍ରମୁଖ ଯୋଗ ଦେଇଥିଲେ ।
ଭୁବନେଶ୍ବରରୁ ଦେବସ୍ମିତା ରାଉତ,ଇଟିଭି ଭାରତ
