ଡେରାଡୁନ: ଉତ୍ତରାଖଣ୍ଡ ଗସ୍ତରେ ଯାଇ ମସୁରୀରେ ପହଞ୍ଚିଛନ୍ତି ଓଡିଶା ରାଜ୍ୟପାଳ ଗଣେଶୀ ଲାଲ । ଏଠାରେ ରାଜ୍ୟପାଳ ଗଣେଶୀ ଲାଲ ପ୍ରାକୃତିକ ସୌନ୍ଦର୍ଯ୍ୟର ନେଇଛନ୍ତି ଆନନ୍ଦ । ଏହାପରେ ସେ ଗଢୱାଲରେ ବିଶ୍ରାମ ନେଇ ଫେରିଛନ୍ତି ।
ମସୁରୀରରେ ଗଣମାଧ୍ୟମ ସହ ଆଲୋଚନା କରି ରାଜ୍ୟପାଳ ଗଣେଶୀ ଲାଲ କହିଛନ୍ତି, ଏହା ମୋର ପ୍ରଥମ ମସୁରୀ ଗସ୍ତ ନୁହେଁ । ମୁଖ୍ୟତଃ ହରିୟାଣାବାସୀ ଗଣେଶୀ ଲାଲ ଏହା ପୂର୍ବରୁ ଅନେକ ଥର ମସୁରୀ ଆସିଥିବା କହିଥଛନ୍ତି । ହରିୟାଣାରୁ ହରିଦ୍ବାରା ଆସିଲେ ସେ ମସୁରୀ ଆସିଥାନ୍ତି । ପ୍ରାକୃତିକ ସୌନ୍ଦର୍ଯ୍ୟର ବର୍ଣ୍ଣନା କରି ରାଜ୍ୟପାଳ କହିଛନ୍ତି ଏଠାକାର ପ୍ରକୃତିର ଅଦ୍ଭୁତ ଶୃଙ୍ଗାର ରହିଛି । ଏହି କାରଣରୁ ଏହାକୁ ପାହାଡର ରାଣୀ ବୋଲି କୁହାଯାଏ ।
ରାଜ୍ୟପାଳ ଗଣେଶୀ ଲାଲ କହିଛନ୍ତି ଯେ ସେ ମସୁରୀ ସହ ସାହତ୍ରଧାର, ଦେରାଡୁନ ଇତ୍ୟାଦି ଅନେକ ସ୍ଥାନକୁ ଯାତ୍ରା କରିଛନ୍ତି । ସେ କହିଛନ୍ତି ଯେ ମୋ ସହ ଓଡିଶାର 2 ଏଡିସି, ଚାରିଜଣ ପିଏସଓ ନର୍ସଙ୍କ ସମେତ ପ୍ରାୟ 12 ଜଣ ଏଠାକୁ ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
