ଭୁବନେଶ୍ବର: ସବୁଆଡୁ ସମାଲୋଚନାର ଶିକାର ହେବା ପରେ ରଥଯାତ୍ରା ମାମଲାରେ ମୁହଁ ଖୋଲିଛନ୍ତି ରାଜ୍ୟ ସରକାର । ସୁପ୍ରିମକୋର୍ଟଙ୍କ ପାଖରେ ମାମଲା ଶୁଣାଣି ନେଇ ସରକାର ତାଙ୍କର ଆଭିମୁଖ୍ୟ ସ୍ପଷ୍ଟ କରିଛନ୍ତି । ରାଜ୍ୟରେ କୋଭିଡ ସ୍ଥିତି ନେଇ କୋର୍ଟଙ୍କ ଦୃଷ୍ଟି ଆକର୍ଷଣ କରାଯାଇଛି ବୋଲି ଆଇନ ବିଭାଗ ପକ୍ଷରୁ ଏକ ପ୍ରେସ ବିଜ୍ଞପ୍ତି ଜରିଆରେ କୁହାଯାଇଛି ।
ସେହିପରି ଗଜପତି ମହାରାଜା ଶନିବାର ଯେଉଁକଥା ନିଜ ଚିଠିରେ ଲେଖିଛନ୍ତି ତାହା ମଧ୍ୟ କୋର୍ଟଙ୍କୁ ଜଣାଇଥିବା ସରକାର କହିଛନ୍ତି । ଏ ସମସ୍ତ ବିଷୟ ଉପରେ ରାଜ୍ୟ ସରକାର ଅବଗତ ଅଛନ୍ତି । ସୋମବାର ହେବାକୁ ଥିବା ଶୁଣାଣିବେଳେ ରାଜ୍ୟ ସରକାର ଆଇନର ପରିସରରେ ରହି ଯେତିକି ସମର୍ଥନ ଦେବା କଥା ରଖିବେ ବୋଲି ଏହି ବିଜ୍ଞପ୍ତିରେ କୁହାଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
