ଭୁବନେଶ୍ବର: ସମ୍ଭାବ୍ୟ ବାତ୍ୟା 'ବୁଲବୁଲ' ପାଇଁ ବାତିଲ ହୋଇଛି ସରକାରୀ କର୍ମଚାରୀଙ୍କ ଛୁଟି । ଖୋର୍ଦ୍ଧା ସମତେ ଅଧିକାଂଶ ଜିଲ୍ଲାର ଜିଲ୍ଲାପାଳ ଏନେଇ ବିଜ୍ଞପ୍ତି ପ୍ରକାଶ କରିଛନ୍ତି । ବିଶେଷ କରି ଶନିବାର ଓ ରବିବାର ସରକାରୀ ଛୁଟି ଥିବାରୁ ଏହାକୁ ବାତିଲ୍ କରାଯାଇଛି ।
ଜିଲ୍ଲାପାଳଙ୍କ ପକ୍ଷରୁ ଜାରି ବିଜ୍ଞପ୍ତି ଅନୁସାରେ 'ବୁଲବୁଲ' ପ୍ରଭାବରେ ରାଜ୍ୟର ଅଧିକାଂଶ ଜିଲ୍ଲାରେ ପ୍ରବଳ ବର୍ଷା ସହ 50ରୁ 60କିମି ବେଗରେ ପବନ ବହିବାର ଆଶଙ୍କା ରହିଛି । ଆସନ୍ତା 48 ଘଣ୍ଟା ବାତ୍ୟା ପାଇଁ ଗୁରୁତ୍ବପୂର୍ଣ୍ଣ । ଏଥିପାଇଁ ସବୁ ସରକାରୀ କର୍ମଚାରୀଙ୍କୁ ସତର୍କ ରହିବାକୁ ସ୍ବତନ୍ତ୍ର ରିଲିଫ୍ କମିଶନର ନିର୍ଦ୍ଦେଶ ଦେଇଛନ୍ତି । ଯାହାକୁ ଭିତ୍ତି କରି ଜିଲ୍ଲାପାଳ ଆବଶ୍ୟକ ପ୍ରସ୍ତୁତି ଚଳାଇଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
