ଭୁବନେଶ୍ବର: ସମ୍ଭାବ୍ୟ 3ୟ ଲହରକୁ ନେଇ ରାଜ୍ୟ ସରକାର ସମ୍ପୂର୍ଣ ପ୍ରସ୍ତୁତ। ରାଜ୍ୟରେ ବର୍ତ୍ତମାନ ସୁଦ୍ଧା 3 ହଜାର ବେଡ ପ୍ରସ୍ତୁତ କରାଯାଇ ରଖାଯାଇଛି । ସମସ୍ତ 4500 ଡାକ୍ତର ଓ ନର୍ସଙ୍କ ପ୍ରଶିକ୍ଷଣ ମଧ୍ୟ ଶେଷ ହୋଇଛି। ଏନେଇ ସୂଚନା ଦେଇଛନ୍ତି ସ୍ବାସ୍ଥ୍ୟ ବିଭାଗ ACS ପ୍ରଦୀପ୍ତ ମହାପାତ୍ର ।
ଆହୁରି ମଧ୍ୟ ACS କହିଛନ୍ତି, ଏପର୍ଯ୍ୟନ୍ତ ଛୋଟ ପିଲାଙ୍କ ପାଇଁ ଟିକା ଆସିନାହିଁ । କେନ୍ଦ୍ର ସରକାର ଯେବେ ଟିକା ପଠାଇବେ ରାଜ୍ୟରେ ଆମେ ଟୀକାକରଣ ଆରମ୍ଭ କରିଦେବୁ। ବର୍ତ୍ତମାନ ପ୍ରତିଦିନ ସାଢ଼େ ୩ ଲକ୍ଷ ଲୋକ କେମିତି ଭାକ୍ସିନ ନେବେ ତାହା ହିଁ ସରକାରଙ୍କ ପ୍ରାଥମିକତା । ପ୍ରତି ଜିଲ୍ଲାରେ ଯେତେ ଅଧିକ ଲୋକ ଟିକା ନେଇପାରିବେ, ସେଥିପାଇଁ ସମସ୍ତ ଜିଲାକୁ ନିର୍ଦ୍ଦେଶ ରହିଛି । ଟିକା ମିଳିବାରେ କୌଣସି ଅସୁବିଧା ନାହିଁ ବୋଲି ମଧ୍ୟ କହିଛନ୍ତି ପ୍ରଦୀପ୍ତ ।
ସେହିପରି ରାଜ୍ୟରେ ସେରୋ ସର୍ଭେ ଆରମ୍ଭ ହୋଇଛି । 12 ଜିଲ୍ଲାରେ ସେରୋ ସର୍ଭେ RMRC ମାଧ୍ୟମରେ ଜାରି ରଖିଛନ୍ତି ରାଜ୍ୟ ସରକାର। ଏହି ସର୍ଭେ ସେପ୍ଟେମ୍ବର 15 ସୁଦ୍ଧା ସାରିବା ନେଇ ଲକ୍ଷ ରଖାଯାଇଛି । ଏହି ସର୍ଭେର ତଥ୍ୟ ଆସିବା ପରେ ଲୋକଙ୍କ ଶରୀରରେ କେତେ ଆଣ୍ଟିବଡି ସୃଷ୍ଟି ହୋଇଛି ତାହା ଜଣାପଡିବ ବୋଲି କହିଛନ୍ତିସ ACS ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
