ଭୁବନେଶ୍ବର: ବଜେଟରେ ରେଳ ପାଇଁ ଚଳିତ ବର୍ଷ ଓଡିଶାକୁ ମିଳିଛି 5528 କୋଟି ଟଙ୍କା । ରାଜ୍ୟ ସରକାର ରେଳ ପ୍ରକଳ୍ପ ଗୁଡିକ ପାଇଁ 7200 କୋଟି ଟଙ୍କା ଦାବି କରିଥିବାବେଳେ କେନ୍ଦ୍ର ସରକାର ଏଥିପାଇଁ 5528 କୋଟି ଟଙ୍କା ଦେଇଥିବା ଜଣାପଡିଛି । ଏନେଇ ରେଳମନ୍ତ୍ରୀ ପୀୟୁଷ ଗୋୟଲ ଟ୍ବିଟ୍ କରି ସୂଚନା ଦେଇଛନ୍ତି ।
ସେହିପରି 2009ରୁ 2014 ମସିହା ମଧ୍ୟରେ ଓଡିଶା ରେଳ ପ୍ରକଳ୍ପ ପାଇଁ ହାରାହାରି 838 କୋଟି ଟଙ୍କା ଆସିଥିବାବେଳେ 2021-22 5528 କୋଟି ମିଳିଛି ଯାହାକି 560 ପ୍ରତିଶତ ଅଧିକ ବୋଲି ସେ ଦାବି କରିଛନ୍ତି ।
ତେବେ ନୂଆରେଳପଥ, ଗେଜ୍ ପରିବର୍ତ୍ତନ ଓ ଦୋହରିକରଣ ଭଳି 39ଟି ପ୍ରକଳ୍ପ ପାଇଁ ସରକାର 61,949 କୋଟି ଖର୍ଚ୍ଚ କରିବେ । ଏଥିରେ 4877 କିଲୋମିଟର ରେଳପଥ ବିଛାଯିବ ବୋଲି ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
