ଭୁବନେଶ୍ବର: ରାଜ୍ୟରେ ପୁଣି 90 କୋରୋନା ଆକ୍ରାନ୍ତ ସୁସ୍ଥ । ମୋଟ ସୁସ୍ଥ ସଂଖ୍ୟା 977 ରେ ପହଁଚିଲା । ରାଜ୍ୟରେ ସୁସ୍ଥ ସଂଖ୍ୟା ବୃଦ୍ଧି ହେବାରେ ଲାଗିଛି । ଯାହା କି ସକ୍ରିୟ ଆକ୍ରାନ୍ତଙ୍କ ଠାରୁ ଅଧିକ ରହିଛି ।
ତେବେ ରାଜ୍ୟରେ ସକାଳ ସମୟରେ 63 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସନ୍ଧ୍ୟାରେ 90 ଜଣ ସୁସ୍ଥ ହୋଇଛନ୍ତି । ଜଗତସିଂହପୁରରେ 23 ଜଣ, ଯାଜପୁରରେ 22 ଜଣ, ଭଦ୍ରକରେ 21ଜଣ, ଗଞ୍ଜାମରେ 15 ଜଣ, କଟକରେ 3 ଜଣ, ସମ୍ବଲପୁର ଓ ଖୋରଦାରେ 2 ଜଣ ଓ ବାଲେଶ୍ବର ସହିତ ନୟାଗଡରେ ଜଣେ ଲେଖାଏଁ ସୁସ୍ଥ ହୋଇଛନ୍ତି । ତେବେ ରାଜ୍ୟରେ 1723 ମୋଟ ଆକ୍ରାନ୍ତ ରହିଥିବା ବେଳେ 737 ଜଣ ସକ୍ରିୟ ଅଛନ୍ତି 977 ଜଣ ସୁସ୍ଥ ଓ 7 ଜଣ ମୃତ୍ୟୁବରଣ କରିଛନ୍ତି ।
ଅନ୍ୟପଟେ କିନ୍ତୁ 2 ଜଣ ଅଲଗା ରୋଗରେ ମୃତ୍ୟୁବରଣ କରିଛନ୍ତି । ଯାହା ବାଲେଶ୍ବର ଜିଲ୍ଲାର ଜଣେ 72 ବର୍ଷର ଏବଂ 42 ବର୍ଷୀୟ ଖୋର୍ଦ୍ଧା ଜିଲ୍ଲାର ଅଲଗା ରୋଗରେ ମୃତ୍ୟୁବରଣ କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
