ଆଜି ଜିଲ୍ଲା ସଭାପତିଙ୍କ ସହ ବୈଠକ କରିବେ ଚେଲ୍ଲାକୁମାର

ଓଡିଶା କଂଗ୍ରେସ ପ୍ରଭାରୀ ଚେଲ୍ଲାକୁମାର ଭୁବନେଶ୍ବରରେ ପହଞ୍ଚିବା ପରେ ପୂର୍ବତନ ସାଂସଦ ଅମର ପ୍ରଧାନଙ୍କ ଘରେ ପହଞ୍ଚି ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ଆଜି ଜିଲ୍ଲା ସଭାପତିଙ୍କ ସହ କରିବେ ବୈଠକ । ଅଧିକ ପଢନ୍ତୁ...

ଭୁବନେଶ୍ବର: ଓଡିଶା କଂଗ୍ରେସ ପ୍ରଭାରୀ ତଥା ସାଂସଦ ଡକ୍ଟର ଚେଲ୍ଲାକୁମାର ୪ ଦିନିଆ ଓଡିଶା ଗସ୍ତରେ ଆସି ଭୁବନେଶ୍ବରରେ ପହଞ୍ଚିଛନ୍ତି । ଆଜି ଜିଲ୍ଲା ସଭାପତିଙ୍କ ସହ କରିବେ ବୈଠକ ।

ଗତକାଲି(ମଙ୍ଗଳବାର) ଭୁବନେଶ୍ବର ବିମାନବନ୍ଦରରେ ପହଞ୍ଚିବା ପରେ ଚେଲ୍ଲାକୁମାର ସିଧା ପୂର୍ବତନ ସାଂସଦ ଅମର ପ୍ରଧାନଙ୍କ ଘରେ ପହଞ୍ଚିଥିଲେ । ନିକଟରେ ବରିଷ୍ଠ କଂଗ୍ରେସ ନେତା ଅମର ପ୍ରଧାନଙ୍କ ପୁଅଙ୍କ ସଡକ ଦୁର୍ଘଟଣାରେ ମୃତ୍ୟୁ ଘଟିଥିଲା । ଏଭଳି ଦୁଃଖ ସମୟରେ ଚେଲ୍ଲା କୁମାର ତାଙ୍କୁ ଭେଟି ସାନ୍ତ୍ବାନା ଦେଇଥିଲେ । ତାଙ୍କ ସହିତ ପିସିସି ସଭାପତି ନିରଞ୍ଜନ ପଟ୍ଟନାୟକ, କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ ପ୍ରମୁଖ ଉପସ୍ଥିତ ଥିଲେ ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ