ଭୁବନେଶ୍ବର: ସାରା ଦେଶ ଏବେ କୋରୋନାକୁ ନେଇ ଅଣ୍ଟା ଭିଡିଛି । ଆଉ ଏଭଳି ସମୟରେ ବିଭିନ୍ନ ରାଜ୍ୟରେ ଓଡ଼ିଆ ଲୋକ ଫଶି ରହିଛନ୍ତି। ସେମାନଙ୍କ ସୁରକ୍ଷା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁ ରାଜ୍ୟର ମୁଖ୍ୟମନ୍ତ୍ରୀଙ୍କ ନିକଟକୁ ଚିଠି ଲେଖିଛନ୍ତି।
ସମସ୍ତ ଓଡ଼ିଆଙ୍କୁ ସୁରକ୍ଷା, ରହିବା ସୁବିଧା, ଖାଦ୍ୟ ଯୋଗାଇ ଦେବାକୁ ସେ ଅପିଲ୍ କରିଛନ୍ତି । ତେବେ ଅନେକ ସ୍ଥାନରେ ଓଡିଶାର ଛାତ୍ରଛାତ୍ରୀ, ତୀର୍ଥଯାତ୍ରୀ, ଶ୍ରମିକ ଆଦି ଫସି ରହିଛନ୍ତି । ସେମାନଙ୍କ ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେହିପରି ଯଦି ଅନ୍ୟ ରାଜ୍ୟରେ କେହି ଓଡ଼ିଶା ଲୋକେ ଫସି ରହିଛନ୍ତି ତେବେ ସେନେଇ ସିଧା ନବୀନଙ୍କୁ ଜଣାଇବାକୁ ସେ ଏହି ଚିଠିରେ ଉଲ୍ଲେଖ କରିଛନ୍ତି ।
ଏଠାରେ ସୂଚନାଯୋଗ୍ୟ ବର୍ତ୍ତମାନ ସୁଦ୍ଧା ଓଡ଼ିଶାର ଅନେକ ଲୋକ ବାହାର ରାଜ୍ୟରେ ଫସିଛନ୍ତି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
