ଭୁବନେଶ୍ବର: ରାଜ୍ୟରେ ବନ୍ୟା ସ୍ଥିତିର ଯାଞ୍ଚ ପରେ ରାଜ୍ୟ ସରକାର କେନ୍ଦ୍ରୀୟ ଟିମଙ୍କ ସହ ଆଲୋଚନା ପରେ ୧୧୦୦ କୋଟିର କ୍ଷତି ହୋଇଥିବା ରାଜ୍ୟ ସରକାର ଦର୍ଶାଇଛନ୍ତି । ଏହାସହ ଅନେକ ନଦୀ ବନ୍ଦ, ରାସ୍ତାଘାଟ ଓ କଚ୍ଚା ଘର ନଷ୍ଟ ହୋଇଥିବା କେନ୍ଦ୍ରୀୟ ଟିମକୁ ରାଜ୍ୟ ସରକାର ଦର୍ଶାଇଛନ୍ତି । ତେବେ ରାଜ୍ୟ ସରକାରଙ୍କ ବନ୍ୟା ପରିଚାଳନାକୁ କେନ୍ଦ୍ରୀୟ ଟିମ ପ୍ରଶଂସା କରିଛି ।
ବନ୍ୟାରେ ୨.୨୫ ଲକ୍ଷ ହେକ୍ଟର ଚାଷଜମି ନଷ୍ଟ ହୋଇଛି ବୋଲି କେନ୍ଦ୍ରୀୟ ଟିମକୁ ଦର୍ଶାଇଛନ୍ତି ରାଜ୍ୟ ସରକାର । ଏହାସହ ୩୩% ପ୍ରତିଶତ ଚାଷ ନଷ୍ଟ ହୋଇଛି । ୧ ଲକ୍ଷ ୨୦ ହଜାର ଘର ବନ୍ୟାରେ କ୍ଷୟକ୍ଷତି ହୋଇଥିବା ମଧ୍ୟ ଦର୍ଶାଇଛନ୍ତି । ରାଜ୍ୟ ସଚିବାଳୟରେ କେନ୍ଦ୍ରିୟ ଟିମଙ୍କ ସହ ବସିଥିବା ବୈଠକରେ ମୁଖ୍ୟ ଶାସନ ସଚିବ, ଡେଭଲପମେଣ୍ଟ କମିଶନର, ସ୍ଵତନ୍ତ୍ର ରିଲିଫ କମିଶନର, କୃଷି ସଚିବ, ପଞ୍ଚାୟତ ରାଜ୍ ସଚିବ ଓ ଅନ୍ୟ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
ସୂଚନା ଅନୁସାରେ କେନ୍ଦ୍ରିୟ ଟିମ ୨ ଦିନ ଧରି ରାଜ୍ୟର ବିଭିନ୍ନ ଜିଲ୍ଲା ତଥା ଭଦ୍ରକ କେନ୍ଦ୍ରାପଡା, ପୁରୀ ଯାଜପୁର ବନ୍ୟା ଞ୍ଚଳ ପରିଦର୍ଶନ ପରେ ଆଜି ରାଜ୍ୟ ସରକାରଙ୍କ ସହ ବନ୍ୟା କ୍ଷୟକ୍ଷତି ସମ୍ପର୍କରେ ଆଲୋଚନା କରିଥିଲେ । ଏହି ଅବସରରେ ରାଜ୍ୟ ସରକାରଙ୍କ ପକ୍ଷରୁ ବନ୍ୟା ମୁକାବିଲା ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ କେନ୍ଦ୍ରିୟ ଟିମ ଆଗରେ ଅବଗତ କରାଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
