ଭୁବନେଶ୍ବର: କୋରୋନାର ମୁକାବିଲା ପାଇଁ ବିଦେଶରୁ ଫେରିଥିବା ଯାତ୍ରୀଙ୍କୁ କିଛି ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ସକାଳେ ଟ୍ବିଟରରେ ଏକ ଭିଡିଓ ପୋଷ୍ଟ କରି ସଚେତନତା ବାର୍ତ୍ତା ଦେଇଛନ୍ତି ।
ସୌଜନ୍ୟ: ଟ୍ବିଟର@Naveen_Odisha
ବିଦେଶରୁ ଫେରିଥିବା ଯାତ୍ରୀମାନେ ଟୋଲଫ୍ରି ନମ୍ବର-104 କିମ୍ବା ଅନଲାଇନ ପୋର୍ଟାଲ https://covid19.odisha.gov.in ରେ ନିଜର ଯାତ୍ରା ସମ୍ପର୍କିତ ସବିଶେଷ ତଥ୍ୟ 24 ଘଣ୍ଟା ମଧ୍ୟରେ ଯୋଗୋଇବାକୁ ମୁଖ୍ୟମନ୍ତ୍ରୀ କହିଛନ୍ତି । ଏହାସହ ବିଦେଶରୁ ଫେରିଥିବା ଯାତ୍ରୀଙ୍କ ପକ୍ଷରୁ ତାଙ୍କ ପରିବାର ଲୋକେ ମଧ୍ୟ ରେଜିଷ୍ଟ୍ରେସନ କରିପାରିବେ ବୋଲି ମୁଖ୍ୟମନ୍ତ୍ରୀ ଦର୍ଶାଇଛନ୍ତି ।
ସେହିପରି ବିଦେଶରୁ ଫେରି ନିଜ ଘରେ 14 ଦିନ ରୁହନ୍ତୁ । କାହା ସହ ମିଳାମିଶା କରନ୍ତୁ ନାହିଁ ବୋଲି ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି । ତେବେ ଏଥିଲାଗି ସରକାରଙ୍କ ପକ୍ଷରୁ 15 ହଜାର ଟଙ୍କାର ରାଶି ଓ ନିଃଶୁଳ୍କ ସ୍ବାସ୍ଥ୍ୟ ସେବା ପ୍ରଦାନ କରାଯାଉଛି ବୋଲି ମଧ୍ୟ ନବୀନ ଉଲ୍ଲେଖ କରିଛନ୍ତି ।
