ଭୁବନେଶ୍ବର: ବିଧାନସଭାରେ ସଂକ୍ରାମକ ରୋଗ ସଂଶୋଧନ ବିଲ 2020 ବିଧାନସଭାରେ ପାରିତ ହୋଇଛି। ବିରୋଧୀଙ୍କ ପ୍ରବଳ ବିରୋଧ ସତ୍ତ୍ୱେ ବିଧାନସଭାରେ ବିଲ ପାରିତ ହୋଇଛି । ଓଡିଶା ସଂକ୍ରାମକ ରୋଗ ସଂଶୋଧନ ବିଲକୁ ଉଭୟ କଂଗ୍ରେସ ଓ ବିଜେପି ବିରୋଧ କରିଛନ୍ତି । କୋଭିଡ ଗାଇଡ଼ଲାଇନ ଉଲ୍ଲଂଘନ କଲେ ବିଲରେ 1 ଲକ୍ଷ ଟଙ୍କା ପର୍ଯ୍ୟନ୍ତ ଜରିମାନା ରହିଛି ।
ବିଧାନସଭାର ଅପରାହ୍ନ ଅଧିବେଶନରେ ସଂକ୍ରାମକ ରୋଗ ଓଡ଼ିଶା ସଂଶୋଧନ ବିଲ 2020 ଉପରେ ଆଲୋଚନା ହୋଇଥିଲା, ଯେଉଁପରି ଲୋକ ଆଇନ ମାନୁ ନାହାଁନ୍ତି, ଏହାକୁ କଡ଼ାକଡ଼ି କରିବାକୁ ଆଇନରେ ପରିବର୍ତ୍ତନ ଆଣିବାକୁ ସ୍ୱାସ୍ଥ୍ୟ ମନ୍ତ୍ରୀ ମତ ରଖିଥିଲେ । କାରଣ ଅନେକ ଲୋକେ ମାସ୍କ ପିନ୍ଧୁ ନାହାନ୍ତି କି କୋଭିଡ଼ ନିୟମ ମାନୁ ନାହାନ୍ତି ।
ତେଣୁ ଏଥିପାଇଁ ଗୋଷ୍ଠୀ ସଂକ୍ରମଣ କରିପାରେ । ନିୟମ କଡ଼ାକଡ଼ି କରି 2 ବର୍ଷ ଜେଲ ଓ 1 ଲକ୍ଷ ପର୍ଯ୍ୟନ୍ତ ଜରିମାନା ଧାର୍ଯ୍ୟ କରିବା ଆଇନ ଆଣିବାକୁ ମତ ରଖିଛନ୍ତି ସ୍ୱାସ୍ଥ୍ୟ ମନ୍ତ୍ରୀ । ବିଲକୁ ସମର୍ଥନ କରିଛନ୍ତି ଭୁପିନ୍ଦର ସିଂ ଓ ଅଶ୍ୱିନୀ ପାତ୍ର ।
ତେବେ ବିଧାନସଭାର ପ୍ରଥମ ଦିନରେ ସ୍ବାସ୍ଥ୍ୟମନ୍ତ୍ରୀ ଏହି ବିଲ ଆଗତ କରିଥିଲେ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
