ଭୁବନେଶ୍ବର: ସିଲକ୍ ମ୍ୟୁଜିକ ପ୍ରସ୍ତୁତ ସଙ୍ଗୀତ ଆଲବମ "ଏକି ଜୀବନ" ରିଲିଜ ହୋଇଯାଇଛି। ସ୍ଥାନୀୟ ଜୟଦେବ ଭବନରେ ଆୟୋଜିତ ଏହି ଉତ୍ସବରେ ବିଶିଷ୍ଟ ବ୍ୟକ୍ତିମାନଙ୍କ ଦ୍ବାରା ଏହି ସଙ୍ଗୀତ ସିଡ଼ି ଉନ୍ମୋଚିତ ହୋଇଛି।
ଭିଡିଓ ସୌଜନ୍ୟ- ପ୍ରତିନିଧି, ଭୁବନେଶ୍ବର
ତେବେ ଏହି ଆଲବମଟି ବିଶେଷ କରି ତୃତୀୟଲିଙ୍ଗୀଙ୍କ କାହାଣୀକୁ ନେଇ ହୋଇଛି । ଯୁଗ ବଦଳିବା ସହ ଲୋକଙ୍କ ପସନ୍ଦ ବି ବଦଳୁଛି। ଏହାକୁ ନଜରରେ ରଖି ଏହି ଆଲବମଟି କରାଯାଇଛି । ପ୍ରଥମଥର କରି ଓଡ଼ିଶାରେ କିନ୍ନର ମାନଙ୍କ ଜୀବନୀକୁ ନେଇ ଏହି ଆଲବମ ତିଆରି କରାଯାଇଛି। ଯାହାର ନାଁ ରହିଛି "ଏକି ଜୀବନ"।
ଏହି ଗୀତରେ କଣ୍ଠଦାନ କରିଛନ୍ତି ହ୍ୟୁମାନ ସାଗର । ଠିକ ସେହିଭଳି ସଙ୍ଗୀତ ନିର୍ଦ୍ଦେଶନା ଦେଛନ୍ତି ମନୋରଞ୍ଜନ ପାଢ଼ୀ ଓ ଗୀତିକାର ଅରୁଣ ମନ୍ତ୍ରୀ । ଗୁରୁବାର ଏହାର ଅଡିଓ ରିଲିଜ ହୋଇଛି।
ଭୁବନେଶ୍ବରରୁ ଶତରୂପା ସାମନ୍ତରାୟ ଓ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
