ଭୁବନେଶ୍ବର: ଭଡାଘରୁ ଉଦ୍ଧାର ହେଲା ଯୁବତୀଙ୍କ ମୃତଦେହ । ନୟାପଲ୍ଲୀ ନୂଆସାହିର ପ୍ଲଟ ନମ୍ବର ୪୭୮/ ୧୮୫୫ରେ ମିଳିଛି ଯୁବତୀଙ୍କ ମୃତଦେହ । ମୃତ ଯୁବତୀଙ୍କ ନାମ କଳ୍ପନା ବାରିକ । ମୃତ କଳ୍ପନା ବାରିକ ଢେଙ୍କାନାଳର ବାସିନ୍ଦା ଅଟନ୍ତି । ସେ ଭୁବନେଶ୍ବରରେ ରହି ଏକ NGO ସଂସ୍ଥାରେ କାମ କରୁଥିଲେ । ତେବେ ନୟାପଲୀ ଥାନା ପୋଲିସ ଭଡା ଘରୁ ଯୁବତୀଙ୍କ ମୃତଦେହ ଉଦ୍ଧାର କରିଛି ।
ଓଢଣୀରେ ଯୁବତୀଙ୍କ ମୃତଦେହ ଝୁଲୁଥିବା ବେଳେ ପୋଲିସ ଉଦ୍ଧାର କରିଛି । ଏଘଟଣାରେ ଏକ ଅପମୃତ୍ୟ ମାମଲା ରୁଜୁ କରି ତଦନ୍ତ ଆରମ୍ଭ କରିଛି କମିସନରେଟ ପୋଲିସ । ଯୁବତୀ ରହୁଥିବା ଭଡାଘରକୁ ଟିକ ନିଖ ଛାନଭିନ କରିଛି ପୋଲିସ । ଏହା ସହିତ ମୃତ ଯୁବତୀଙ୍କ ମୋବାଇଲ ସହିତ ଅନ୍ୟାନ୍ୟ ସାମଗ୍ରୀ ଜବତ କରିଛି । ତେବେ ସମାଜ ସେବାରେ ନିୟୋଜିତ ହୋଇଥିବା NGO ସଂସ୍ଥାର କର୍ମଚାରୀଙ୍କ ସହିତ ଏପରି କଣ ଘଟିଲା ରହସ୍ୟର ଖିଅ ଖୋଜୁଛି ପୋଲିସ ।
ଇଟିଭି ଭାରତ, ଭୁବନେଶ୍ବର
