ପୁରୀ: ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଜାରି ହେଲା ନୂଆ ଏସଓପି ( New SOP issued for darshan at Jagannath temple in puri ) । ନୂଆ ଏସଓପି ଅନୁସାରେ ଆଜି (ଗୁରୁବାର) ଠାରୁ ସକାଳ ୫ ଟା ୩୦ରୁ ରାତି ୯ ଟା ୩୦ ପର୍ଯ୍ୟନ୍ତ ଶ୍ରୀମନ୍ଦିରରେ (Puri Jagannath Temple) ଶ୍ରୀଜିଉଙ୍କୁ ଦର୍ଶନ କରିପାରିବେ ଭକ୍ତ ଜନ ।
ସେହିପରି କୋଭିଡ କଟକଣା ଓ ଭିଡ ନିୟନ୍ତ୍ରଣ ପାଇଁ ଚଳିତ ବର୍ଷ ଶେଷ ଦିନ ତଥା ଡିସେମ୍ବର ୩୧ ଓ ନବବର୍ଷ ଦିନ ଭକ୍ତଙ୍କ ଲାଗି ବନ୍ଦ ରହିବ ଶ୍ରୀମନ୍ଦିର ଦ୍ବାର । ଏହାବାଦ ଦାରୁବ୍ରହ୍ମଙ୍କ ବନକ ଲାଗିନୀତି ଓ ପଇତା ଲାଗି ବେଳେ ଜୟ ବିଜୟ ଓ ବେହରଣ ଦ୍ବାର ବନ୍ଦ ରହିବ । ଏହି ସମୟରେ ଭକ୍ତ ମାନେ ଆନନ୍ଦ ବଜାର ଯାଇ ମହାପ୍ରସାଦ ଖାଇବା ସହ ପାର୍ଶ୍ଵ ଦେବାଦେବୀଙ୍କୁ ଦର୍ଶନ କରିପାରିବେ ।
ଏତତ ବ୍ୟତୀତ ଶ୍ରୀମନ୍ଦିରରେ ଶ୍ରୀଜିଉଙ୍କ ଦର୍ଶନ ପାଇଁ ୨ ଡୋଜ ଟିକା କିମ୍ବା ୭୨ ଘଣ୍ଟା ମଧ୍ୟରେ Covid RT-PCR ନେଗେଟିଭ ସାର୍ଟିଫିକେଟ ବାଧ୍ୟତାମୂଳକ କରଯାଇଛି ।
ସୂଚନାଯୋଗ୍ୟଯେ ପୂର୍ବରୁ ସକାଳ ୭ ଟାରୁ ରାତି ୯ ଟା ପର୍ଯ୍ୟନ୍ତ ଭକ୍ତମାନେ ଶ୍ରୀମନ୍ଦିର ମଧ୍ୟରେ ଶ୍ରୀଜିଉଙ୍କୁ ଦର୍ଶନ କରୁଥିଲେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
