ଭୁବନେଶ୍ୱର: ଭୁବନେଶ୍ୱରରେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଦୈନିକ ୧୦୦୦ ଉପରେ ରହୁଛି କରୋନା ସଂକ୍ରମଣ । ବିଏମସି ପକ୍ଷରୁ ଜାରି ରହିଛି ଟୀକାକରଣ, ପ୍ରାୟ ୨୮ ଟି ସେଣ୍ଟରରେ ଟୀକାକରଣ ଜାରି ରହିଛି ।
ତେବେ ଟୀକାକରଣ ପାଇଁ ବୁଧବାର ସନ୍ଧ୍ୟା ୬ ଘଟିକା ଠାରୁ ଆରମ୍ଭ ହେବ ନୂଆ ସ୍ଲଟ ବୁକିଙ୍ଗ, ବୁକିଙ୍ଗ ପାଇଁ ସ୍ଲଟ ଉପଲବ୍ଧ ହେବ । ୨୦ ମଇରୁ ୨୮ ମଇ -୨୦୨୧ ପର୍ଯ୍ୟନ୍ତ ଏହି ଟୀକାକରଣ ଜାରି ରହିବ । ଭୁବନେଶ୍ୱରରେ ଥିବା ୧୮ ବର୍ଷରୁ ୪୪ ବର୍ଷ ପର୍ଯ୍ୟନ୍ତ ଲୋକ ଟିକା ନେଇ ପାରିବେ । ପ୍ରତ୍ୟକ ସେଣ୍ଟରରେ ସକାଳ ୮.୩୦ ରୁ ଅପରାହ୍ନ ୧ ଘଟିକା ପର୍ଯ୍ୟନ୍ତ ଟୀକାକରଣ ଚାଲିବ । ସେହିପରି ୪୫ ବର୍ଷରୁ ଉର୍ଦ୍ଧ୍ବ ବୟସ୍କ ମାନେ ଅପରାହ୍ନ ୩ ଟା ରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ଚାଲିବ । ତେବେ ଯେଉଁମାନେ ଟିକା ପାଇଁ ସ୍ଲଟ ବୁକିଙ୍ଗ କରିଥିବେ ସେହିମାନେ କେବଳ ଟୀକାକରଣ କେନ୍ଦ୍ରକୁ ଯାଇପାରିବେ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
