ଭୁବନେଶ୍ବର: ମହିଳାଙ୍କୁ ସଶକ୍ତ କରିବା ପାଇଁ ଆରମ୍ଭ ହେଲା ନୂଆ କାର୍ଯ୍ୟକ୍ରମ ‘ଅଜିତା’। ଶନିବାର ଏହାକୁ ଉଦଘାଟନ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ। ଏହାଦ୍ୱାରା ସମାଜର ସମସ୍ତ ବର୍ଗର ମହିଳାଙ୍କୁ ଯୋଡାଯିବା ସହ ବିଭିନ୍ନ କାର୍ଯ୍ୟକ୍ରମରେ ସେମାନଙ୍କୁ ସାମିଲ କରାଯିବ।
ରାଜଧାନୀରେ ମହିଳାଙ୍କୁ ସଶକ୍ତ କରିବ ‘ଅଜିତା’
ଏହା ଏକ ଅଣରାଜନୈତିକ ଯୋଜନା ହୋଇଥିବା ବେଳେ ଏଥିରେ ସମାଜର ଅବହେଳିତ ମହିଳାଙ୍କୁ ସାମିଲ କରାଯିବ। ସେମାନଙ୍କୁ ସଶକ୍ତ କରାଯିବା ସହ ଆଗକୁ ବଢିବା ପାଇଁ ଦକ୍ଷ କରାଯିବ। ପ୍ରଥମ ପର୍ଯ୍ୟାୟରେ ଏଥିରେ ଭୁବନେଶ୍ୱର ଓ ଖୋର୍ଦ୍ଧାର 158 ପଞ୍ଚାୟତକୁ ସାମିଲ କରିବା ସହ 350 ମହିଳା ସଙ୍ଗଠନକୁ ଏଥିରେ ସାମିଲ କରାଯିବ। ଏଥିପାଇଁ 100 ଦିନର ପ୍ଲାନ ତିଆରି କରିଛି ‘ଅଜିତା’। ଉଦଘାଟନୀ କାର୍ଯ୍ୟକ୍ରମରେ ପଦ୍ମଶ୍ରୀ ପ୍ରତିଭା ରାୟ, ତୁଳସୀ ମୁଣ୍ଡା, ଅରୁଣା ମହାନ୍ତି, କଣ୍ଠଶିଳ୍ପୀ ଶୈଳାଭାମା ମହାପାତ୍ର ଓ ଅଭିନେତ୍ରୀ ଅନୁ ଚୌଧୁରୀ ସାମିଲ ହୋଇଥିଲେ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
