ଭୁବନେଶ୍ବର: ସିଆରପି ଭିଆପି କଲୋନୀ ହତ୍ୟାକାଣ୍ଡ ଅଭିଯୁକ୍ତ ହେଲେ କୋର୍ଟ ଚାଲାଣ। ଟୁକୁନା ଦାସ ଓରଫ ଜଟିଆ ହତ୍ୟାକାଣ୍ଡ ମାମଲାରେ ଗିରଫ ଦୁଇ ଭାଇ ସାଗର ପୃଷ୍ଟି ଓ ସୁଧୀର ପୃଷ୍ଟିକୁ କୋର୍ଟ ଚାଲାଣ କରିଛି କମିଶନରେଟ ପୋଲିସ। ଉଭୟଙ୍କୁ ହତ୍ୟା ମାମଲାରେ କୋର୍ଟ ଚାଲାଣ କରାଯାଇଛି।
ଭୁବନେଶ୍ବର ଡିସିପି କହିଛନ୍ତି ଯେ, ଟୁକୁନା ସହ ସୁଧୀର ଓ ସାଗରର ଗଣ୍ଡଗୋଳ ହୋଇଥିଲା। ସାଗର ଓ ସୁଧିର ଟୁକୁନାକୁ ଥାନାକୁ ଆଣିବା ପାଇଁ ଏପରି ପିକଅପ୍ ଭ୍ୟାନରେ ଆସୁଥିଲେ। ଟୁକୁନା ସନ୍ଦେହ କରିବ ଭାବି ଭିଆଇପି କଲୋନି ଦେଇ ଆଣୁଥିଲେ। ତେଣୁ ହଠାତ୍ ଟୁକୁନା ନିଜ ପାଖରେ ରଖୁଥିବା ଛୁରିରେ ଖସିବା ପାଇଁ ଉଭୟ ଭାଇଙ୍କୁ ଆକ୍ରମଣ କରିଥିଲା ।
ଫଳରେ ଦୁଇ ଭାଇ ସେହି ଗାଡିରେ ଟୁକୁନାକୁ ସେହି ଛୁରିରେ ଆକ୍ରମଣ କରିଥିଲେ । ଫଳରେ ଟୁକୁନାର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଏହି ଘଟଣା ପରେ ଦୁଇ ଭାଇ ଖସିଯିବାକୁ ଉଦ୍ୟମ କରୁଥିଲେ ।
ପରେ ଏପରି ହତ୍ୟାକାଣ୍ଡ ଘଟାଇଥିବା ଅଭିଯୁକ୍ତଙ୍କୁ ଦଣ୍ଡ ଦେବା ପାଇଁ ଉତ୍ୟକ୍ତ ଲୋକେ ଆଇନକୁ ହାତକୁ ନେଇଥିଲେ । ଫଳରେ ପିସିଆର ଭ୍ୟାନକୁ ପ୍ରଶାନ୍ତ ଦାସ ନାମକ ବ୍ୟକ୍ତି ଅଟକାଇଥିଲା । ପରେ ତାଙ୍କ ପୁଅ ଶୁଭଜିତ ପିସିଆର ଚାବି ନେଇ ଫେରାର ହୋଇଥିଲା। ହେଲେ ଉତ୍ୟକ୍ତ ଲୋକେ ଘଟଣା ସ୍ଥଳରେ ପିସିଆର ଭ୍ୟାନ କାଚ ଭାଙ୍ଗିବା ସହ ଦୁଇ ଅଭିଯୁକ୍ତଙ୍କୁ ପାଇପରେ ନିର୍ଧୁମ ଛେଚିଥିଲେ ।
ଯାହାକୁ ନେଇ ଘଟଣା ସ୍ଥଲରେ ଉତ୍ତେଜନାମୂଳକ ପରିସ୍ଥିତି ଉପୁଜିଥିଲା। ପୋଲିସକୁ କାମରେ ବାଧାଦେବା ସର୍ବସାଧାରଣରେ ଆତଙ୍କ ସୃଷ୍ଟି କରିବା ଭଳି ମାମଲାରେ ଏଭଳି କାଣ୍ଡ ଭିଆଇଥିବା ୫ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
