ଭୁବନେଶ୍ବର: ଆଜି ହେଉଛି ପବିତ୍ର ଇଦ-ଉଲ-ଜୁହା ତଥା ବକ୍ରି ଇଦ୍ । ମୁସଲମାନ ସମ୍ପ୍ରଦାୟ ପାଇଁ ଏହା ପବିତ୍ର ଦିନ । ଆଜିର ଦିନରେ ସମସ୍ତ ମୁସଲମାନ ଭାଇମାନେ ପରସ୍ପରକୁ ଶୁଭେଚ୍ଛା ଜଣାଇବା ସହ ନମାଜ ପାଠ କରିଥାନ୍ତି । ଏହି ଅବସରରେ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଟ୍ବିଟର ମାଧ୍ୟମରେ ମୁଖ୍ୟମନ୍ତ୍ରୀ ସମସ୍ତ ମୁସଲମାନ ଭାଇ ଭଉଣୀମାନଙ୍କୁ ଶୁଭେଚ୍ଛା ଦେଇଛନ୍ତି । ଏହି ଇଦ୍ ସମସ୍ତଙ୍କ ପାଇଁ ସୁଖ ଆଣୁ ଏବଂ ସମାଜରେ ଶାନ୍ତି , ଭାଇଚାରା ବଜାୟୀ ରହୁ ବୋଲି ପ୍ରାର୍ଥନା କରିଛନ୍ତି ନବୀନ ।
ସୂଚନାଯୋଗ୍ୟ, ଚଳିତ ବର୍ଷ ମହାମାରୀ କୋରୋନା ପାଇଁ ବିଭିନ୍ନ କଟକଣା ମାଧ୍ୟମରେ ଏହିପର୍ବ ପାଳନ କରାଯାଉଛି । ସଂକ୍ରମଣ ଦୃଷ୍ଟିରେ ରଖି ସାମାଜିକ ଦୂରତା ସହ ପାଳନ କରାଯାଉଛି ।
