ଭୁବନେଶ୍ବର: ଖୋର୍ଦ୍ଧା, ଜଟଣୀ, ପିପିଲି ନିର୍ବାଚନ ମଣ୍ଡଳୀର ଶତାଧିକ ଗାଁର ସମ୍ପତ୍ତି ଜଗନ୍ନାଥଙ୍କ ନାଁରେ କରାଯାଇଥିବା ଅଭିଯୋଗ ହୋଇଛି । ତତ୍କାଳୀନ ପୁରୀ ଜଗନ୍ନାଥ ମନ୍ଦିର ମୁଖ୍ୟ ପ୍ରଶାସକ ଏଭଳି କରିଥିବା ଅଭିଯୋଗ ଆଣିଛନ୍ତି ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁର ରାଉତରାୟ । ଯାହାକୁ ବିରୋଧ କରି ଆସନ୍ତା ଡିସେମ୍ବର 15ରେ ନବୀନ ନିବାସ ଘେରାଉ କରିବେ ଜଟଣୀ ନିର୍ବାଚନ ମଣ୍ଡଳୀର ହଜାର ହଜାର ଜନସାଧାରଣ ।
ଭିଡିଓ ସୌଜନ୍ୟ : ସମ୍ବାଦଦାତା, ଭୁବନେଶ୍ବର
ଜଟଣୀ ନିର୍ବାଚନ ମଣ୍ଡଳୀର ୨୫ଟି ଗାଁ ଲୋକଙ୍କ ଜମି ଜଗନ୍ନାଥଙ୍କ ନାମରେ ହୋଇଥିବା ଅଭିଯୋଗ ହୋଇଛି । ରାଜ୍ୟ ସରକାର ଡିସେମ୍ବର 15 ସୁଦ୍ଧା ସେ ଜମିକୁ ପୂର୍ବ ମାଲିକାନାରେ ଥିବା ଲୋକଙ୍କୁ ଫେରାନ୍ତୁ । ଯଦି ନଫେରାନ୍ତି 25ଟି ଗାଁର ପ୍ରାୟ ୨୦ ହଜାରରୁ ଅଧିକ ଲୋକ ନବୀନ ନିବାସକୁ ଧସେଇ ପଶିବେ ବୋଲି କଂଗ୍ରେସ ବିଧାୟକ ଚେତାବନୀ ଦେଇଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
