ଭୁବନେଶ୍ବର: ସାରା ଦେଶ ପାଳିବାକୁ ଯାଉଛି ମହାତ୍ମା ଗାନ୍ଧୀଙ୍କ 150ତମ ଜୟନ୍ତୀ । ଏଥିପାଇଁ ବି ରାଜ୍ୟ ସରକାର ପ୍ରସ୍ତୁତି ଜୋରଦାର ଚଳାଇଛନ୍ତି । ଗାନ୍ଧୀ ଜୟନ୍ତୀ ଅବସରରେ ଆୟୋଜିତ ହେବ ଜାତୀୟ ସଂହତି ଶିବିର । ଏନେଇ ସ୍ଥାନୀୟ ସୂଚନା ଓ ଲୋକସମ୍ପର୍କ ବିଭାଗ ସମ୍ମିଳନୀ କକ୍ଷରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
ଆୟୋଜିତ ହେବାକୁ ଥିବା ଏହି ଶିବିରରେ ଭାରତର ବହୁ ବରିଷ୍ଠ ସ୍ବାଧୀନତା ସଂଗ୍ରାମୀ, ଗାନ୍ଧୀବାଦର ଚିନ୍ତାନାୟକ ଓ ମାର୍ଗଦର୍ଶକମାନେ ଯୋଗ ଦେବେ । ସାମ୍ପ୍ରତିକ ପରିପ୍ରେକ୍ଷୀରେ ଗାନ୍ଧୀ ବିଚାର ଧାରା ଓ ମୂଲ୍ୟବୋଧର ବହୁ ଗୁରୁତ୍ବ ରହିଥିବାବେଳେ ଏହାକୁ ଆଗାମୀ ପିଢ଼ିଙ୍କି ନିକଟରେ ଏହା ଜାଗ୍ରତ କରାଇବା ପାଇଁ ଶାନ୍ତି,ଅହିଂସା,ଜାତୀୟ ସଂହତି ଓ ଗ୍ରାମ ବିକାଶ ଆଦି ପ୍ରସଙ୍ଗ ଭିତ୍ତିକ ଆଲୋଚନା ଚକ୍ର ଓ ଯୁବ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହେବ ।
ଏହି ଶିବିରର ଦ୍ବିତୀୟ ଦିନରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ଶିବିର ଆସନ୍ତା 1 ତାରିଖରୁ ଆରମ୍ଭ ହେବ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
