ଭୁବନେଶ୍ବର: ବିଜୟ କାନ୍ଦୋଇ ପ୍ରଯୋଜିତ କୁଇନ ଚଳଚ୍ଚିତ୍ରର ମ୍ୟୁଜିକ ଅଡିଓ ଗୁରୁବାର ରିଲିଜ ହୋଇଛି । ରାଜଧାନୀର ଏକ ଘରୋଇ ହୋଟେଲରେ ଏହି ଚଳଚ୍ଚିତ୍ରର ତାରକାମାନେ ଉପସ୍ଥିତ ରହି ଏହି ମ୍ୟୁଜିକ ଅଡିଓର ଶୁଭ ଉଦଘାଟନ କରିଥିଲେ ।
କୁଇନ ଚଳଚ୍ଚିତ୍ରର ମ୍ୟୁଜିକ ଅଡିଓ ରିଲିଜ
ନବାଗତ ନାୟକ ଜୟଜିତ ଦାସ ଓ ବର୍ଷା ପ୍ରିୟଦର୍ଶିନୀ ଏହି ଚଳଚ୍ଚିତ୍ରରେ ଅଭିନୟ କରିଛନ୍ତି । ଚାରୋଟି ଗୀତ ଏହି ଚଳଚ୍ଚିତ୍ରରେ ରହିଥିବା ବେଳେ ଏହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ମଳୟ ମିଶ୍ର । ବିଦିଶା ବ୍ୟାନରର ଏହା ୧୧ତମ ଚଳଚ୍ଚିତ୍ର ।
ଖୁବଶୀଘ୍ର ଏହି ଚଳଚ୍ଚିତ୍ର ପ୍ରେକ୍ଷାଳୟକୁ ଆସିବ ବୋଲି କହିଛନ୍ତି ଏହାର ନିର୍ଦ୍ଦେଶକ ମୃତ୍ୟୁଞ୍ଜୟ ସାହୁ । ଏହି ଚଳଚ୍ଚିତ୍ରରେ ଅନ୍ୟମାନଙ୍କ ମଧ୍ୟରେ ଅଭିନେତ୍ରୀ ଲିପ୍ସା ମିଶ୍ର, ହରିହର ମହାପାତ୍ର, ଉଷଶ୍ରୀ ମିଶ୍ର ଓ ଅନନ୍ତ ରଥ ପ୍ରମୁଖ ଅଭିନୟ କରିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
