ଭୁବନେଶ୍ବର: ବିକାଶ ପଥରେ ଆଉ ପାଦେ ଆଗେଇବ କେନ୍ଦ୍ରାପଡା । କାରଣ ଆର୍ସେଲର ମିତ୍ତଲ ଗ୍ରୁପ ପକ୍ଷରୁ କେନ୍ଦ୍ରାପଡାରେ ପ୍ରତିଷ୍ଠା ହେବ ଷ୍ଟିଲ ପ୍ଲାଣ୍ଟ । ଏନେଇ ଆଜି(ଗୁରୁବାର) ରାଜ୍ୟ ସରକାର ଏବଂ ଆର୍ସେଲର ମିତ୍ତଲ କମ୍ପାନୀ ମଧ୍ୟରେ ସ୍ବାକ୍ଷରିତ ହୋଇଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ମିତ୍ତଲ ଗ୍ରୁପର ଚେୟାରମ୍ୟାନ ଏଲ.ଏନ ମିତ୍ତଲଙ୍କ ଉପସ୍ଥିତିରେ ଏହି ଏମଓୟୁ ସ୍ବାକ୍ଷରିତ ହୋଇଛି । ଶିଳ୍ପ ସଚିବ ହେମନ୍ତ ଶର୍ମା ଏବଂ ଏମଏନଏସ ଇଣ୍ଡିଆର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଦିଲୀପ ଓମେନ ଏହି ଚୁକ୍ତି ସ୍ବାକ୍ଷର କରିଛନ୍ତି । ସ୍ବାକ୍ଷରିତ ହୋଇଥିବା ଏମଓୟୁ ଅନୁସାରେ, କେନ୍ଦ୍ରାପଡାରେ ବାର୍ଷିକ 12 ମିଲିଅନ ଟନ ଉତ୍ପାଦନ କ୍ଷମତା ସମ୍ପନ୍ନ ଷ୍ଟିଲ ପ୍ଲାଣ୍ଟ ପ୍ରତିଷ୍ଠା କରିବା ଆର୍ସେଲର ମିତ୍ତଲର ନିପନ ଷ୍ଟିଲ । ଏଥିପାଇଁ 50 ହଜାର କୋଟି ଟଙ୍କା ନିବେଶ କରାଯିବ ।
ମୁଖ୍ୟମନ୍ତ୍ରୀ କରିଛନ୍ତି ଯେ, କେନ୍ଦ୍ରାପଡା ବିଜୁ ବାବୁଙ୍କ କର୍ମଭୂମି । ସେ ଏହି ସ୍ଥାନ ତଥା ଏହାର ଲୋକଙ୍କୁ ହୃଦୟର ମୂଳରୁ ଭଲ ପାଉଥିଲେ । ଏହି ମେଗା ପ୍ରକଳ୍ପ ପ୍ରତିଷ୍ଠା ପାଇଁ ରାଜ୍ୟ ସରକାର ସମସ୍ତ ଆବଶ୍ୟକୀୟ ସହାୟତା ଏବଂ ସୁବିଧା ଯୋଗାଇ ଦେବେ । ଶିଳ୍ପ ନୀତି, ସୁବିଧା ପ୍ରଣାଳୀ ଏବଂ ଭିତ୍ତିଭୂମି ଅଭିବୃଦ୍ଧି ହେତୁ ଓଡିଶା ସଫଳତାର ସହ ଉଭା ହୋଇଛି ।
ଅନ୍ୟପଟେ ଏଲ.ଏନ ମିତ୍ତଲ କରିଛନ୍ତି ଯେ, କେନ୍ଦ୍ରାପଡାରେ ଏହି ଇଣ୍ଟିଗ୍ରେଟେଡ୍ ଷ୍ଟିଲ୍ କମ୍ପ୍ଲେକ୍ସ ପ୍ରତିଷ୍ଠା କରିବାରେ ସେ ଓଡିଶା ସରକାରଙ୍କ ସହ ଭାଗିଦାରୀ କରି ଅତ୍ୟନ୍ତ ଆନନ୍ଦିତ । ଯାହାକି ପାରାଦୀପରେ 6MTPA ପେଲେଟାଇଜେସନ୍ ପ୍ଲାଣ୍ଟ ସହିତ ଓଡିଶାରେ AM / NS ର ଅନ୍ୟାନ୍ୟ ବିନିଯୋଗ ବ୍ୟତୀତ 12 MTPA ଏବଂ କେନ୍ଦୁଝରରେ ହିତାଧିକାରୀ କମ୍ପ୍ଲେକ୍ସ ଏବଂ ପାଇପ ଲାଇନ ବ୍ୟବସ୍ଥା କାର୍ଯ୍ୟକ୍ଷମ ହୋଇଛି ।
ଇସ୍ପାତ ଏବଂ ଖଣି ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ମହାକାଳପଡ଼ା ବିଧାୟକ ଅତନୁ ସବ୍ୟାସାଚି ନାୟକ ଉପସ୍ଥିତ ଥିଲେ । ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ଉନ୍ନୟନ କମିଶନର ପି.କେ ଜେନା, ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଆର ବାଲାକ୍ରିନ୍ନନ, ମୁଖ୍ୟମନ୍ତ୍ରୀ 5ଟି ସଚିବ ଭିକେ ପଣ୍ଡିଆନ ଏବଂ ରାଜ୍ୟ ସରକାରଙ୍କ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
