ଭୁବନେଶ୍ବର: କ୍ୟାପିଟାଲ ହସପିଟାଲରେ ନୂତନ ଭାବେ ତିଆରି ହେବ 2ଟି ମଡେଲ ଓଟି ଓ ଜେନେରାଲ ଅପରେସନ ଥିଏଟର । ଏଥିପାଇଁ ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ, ଭୁବନେଶ୍ବର ଆନ୍ତର୍ଜାତୀୟ ବିମାନ ବନ୍ଦର ସହ ଚୁକ୍ତି ସ୍ବାକ୍ଷର କରିଛି ସ୍ବାସ୍ଥ୍ୟ ବିଭାଗ । ଏହି ପ୍ରୋଜେକ୍ଟ ପାଇଁ ଖର୍ଚ୍ଚ ହେବ 4.74 କୋଟି ଟଙ୍କା ।
ଏହାସହ କଟକରେ ମାର୍ଟନିଟି ୱାର୍ଡ ଓ ନିଆଳିରେ ସିଏଚସିର ପ୍ରଶସ୍ତିକରଣ କରାଯିବା ନେଇ ମଧ୍ୟ ଚୁକ୍ତି ସ୍ବାକ୍ଷରିତ ହୋଇଛି । ଏଥିପାଇଁ 6.74 କୋଟି ଟଙ୍କା ଖର୍ଚ୍ଚ ହେବ । ସମସ୍ତ ଅର୍ଥ ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ ଓ ଭୁବନେଶ୍ବର ଆନ୍ତର୍ଜାତୀୟ ବିମାନ ବନ୍ଦର କର୍ପୋରେଟ୍ ସୋସିଆଲ ରେସପନ୍ସବିଲିଟି ଫଣ୍ଡରୁ ଅର୍ଥ ଯୋଗାଇ ଦେବା ପାଇଁ ନିଷ୍ପତ୍ତି ହୋଇଛି ।
ଏହି ଅବସରରେ ସ୍ଵାସ୍ଥ୍ୟ ସଚିବ ପ୍ରମୋଦ ମେହେରଦା ଓ ଭୁବନେଶ୍ବର ବିମାନ ବନ୍ଦର ନିର୍ଦ୍ଦେଶକ ସୁରେଶ ହୋତା ଓ ଏୟାରପୋର୍ଟ ଅଥରଟି ଇଣ୍ଡିଆର ଅଧିକାରୀ ସମେତ କ୍ୟାପିଟାଲ ହସପିଟାଲର ସିଡିଏମଓ ଓ କଟକ ସିଡିଏମଓ ପ୍ରମୁଖ ଉପସ୍ଥିତ ଥିଲେ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
