ଭୁବନେଶ୍ବର: ନିଷ୍ଠୁରତାର ଅନେକ କାହାଣୀ ଆଗରୁ ନଜରକୁ ଆସିଛି । ମାତ୍ର ରାଜ୍ୟ ରାଜଧାନୀ ଭୁବନେଶ୍ବରରେ ଯାହା ଘଟିଛି ତାହା ଜାଣିଲେ ସଭ୍ୟ ସମାଜରେ ସମସ୍ତେ ବିଚଳିତ ହୋଇଯିବେ । ସନ୍ତାନ ଟିଏ ପାଇଁ ଅନେକଜଣ ବଞ୍ଚିତ ହେଉଥିବାବେଳେ ମାତ୍ର ୬,୫୦୦ ଟଙ୍କାରେ ୩ ମାସର ପୁଅକୁ ବିକିଦେବାକୁ ପଛାଇନି ଜନ୍ମକଲା ମା' ।
କାରଣ ଦାରିଦ୍ରତା କିମ୍ବା ଅନ୍ୟ କିଛି ସ୍ପଷ୍ଟ ହୋଇନାହିଁ । ମାତ୍ର ଖବର ପାଇ ରାଜଧାନୀର ନୟାପଲ୍ଲୀ ଅଞ୍ଚଳରୁ ଉଦ୍ଧାର କରିଛି ଚାଇଲ୍ଡଲାଇନ ଟିମ ।
ମା'କୁ ନୟାପଲ୍ଲୀ ଥାନା ପୋଲିସ ଅଟକ ରଖିଥିବାବେଳେ ଶିଶୁକୁ ଚାଇଲ୍ଡ ଲାଇନର ହେପାଜତରେ ରଖାଯାଇଛି। ଏନେଇ ପୋଲିସ ଛାନଭିନ କରିଥିବା ବେଳେ କିଣିବାକୁ ଆସିଥିବା ଲୋକକୁ ମଧ୍ୟ ପୋଲିସ ଖୋଜୁଛି। ଏନେଇ କମିସନରେଟ ପୋଲିସ ଓ ଚାଇଲ୍ଡଲାଇନର ସଦସ୍ୟ ନୟାପଲ୍ଲୀରେ ଶିଶୁ ବିକ୍ରି ଅପରେସନରେ ବିଭିନ୍ନ ସ୍ଥାନରେ ରେଡ୍ କରୁଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
