ଭୁବନେଶ୍ବର: ବାତ୍ୟା ‘ୟସ’ ଲ୍ୟାଣ୍ଡଫଲ କରିବାକୁ ଆଉ ମାତ୍ର କିଛି ଘଣ୍ଟା ବାକି ଥିବାବେଳେ ଯୁଦ୍ଧକାଳୀନ ଭିତ୍ତିରେ ଜାରି ରହିଛି ସ୍ଥାନାନ୍ତରଣ ପ୍ରକ୍ରିୟା । ପ୍ରଭାବିତ ହେବାକୁ ଥିବା 10 ଜିଲ୍ଲାର ତଳିଆ ଅଞ୍ଚଳରୁ ଲୋକଙ୍କୁ ସୁରକ୍ଷିତ ସ୍ଥାନକୁ ପଠାଉଛି ଜିଲ୍ଲା ତଥା ସ୍ଥାନୀୟ ପ୍ରଶାସନ। ତେବେ ବର୍ତ୍ତମାନ ସୁଦ୍ଧା 2 ଲକ୍ଷ 10ହଜାର 621 ଜଣଙ୍କୁ ସ୍ଥାନାନ୍ତର କରାଯାଇଥିବା ରାଜ୍ୟ ସରକାର ସୂଚନା ଦେଇଛନ୍ତି । ସର୍ବାଧିକ ବାଲେଶ୍ୱରରେ 74 ହଜାର 132 ଜଣଙ୍କୁ ସ୍ଥାନାନ୍ତର କରାଯାଇଛି । ଭଦ୍ରକରେ 73 ହଜାର 103, କେନ୍ଦ୍ରାପଡା 41 ହଜାର 685, ଜଗତସିଂହପୁର 9 ହଜାର 122 ଜଣଙ୍କୁ କରାଯାଇଛି ସ୍ଥାନାନ୍ତର । ଅପରାହ୍ନ 4 ଟା ସୁଦ୍ଧା ମୋଟ 2 ଲକ୍ଷ 10 ହଜାର 621 ଜଣଙ୍କୁ କରାଗଲାଣି ସ୍ଥାନାନ୍ତର । ସେହିପରି ଆଜି ସଂନ୍ଧ୍ୟା ଶେଷ ସୁଦ୍ଧା ସ୍ଥାନାନ୍ତରଣ ପ୍ରକ୍ରିୟା ଶେଷ କରିବାକୁ ଲକ୍ଷ ରଖାଯାଇଛି ।
ତେବେ ସ୍ଥାନାନ୍ତରଣ ପ୍ରକ୍ରିୟା ଯୁଦ୍ଧକାଳୀନ ଭିତ୍ତିରେ ଜାରି ରିହିଛି ଓ ସନ୍ଧା ସୁଦ୍ଧା ଶେଷ କରିବାକୁ ଲକ୍ଷ ରଖିଛନ୍ତି ରାଜ୍ୟ ସରକାର । ପ୍ରଭାବିତ ହେବାକୁ ଥିବା ସମସ୍ତ ଜିଲ୍ଲା ଓ ସ୍ଥାନାନ୍ତରଣ କରାଯିବାକୁ ଲକ୍ଷ୍ୟ ରଖାଯାଇଛି । ପ୍ରଭାବିତ ହେବାକୁ ଥିବା 10 ଜିଲ୍ଲାରୁ ପ୍ରାୟ 7 ଲକ୍ଷ ଲୋକଙ୍କୁ ସ୍ଥାନାନ୍ତରିତ କରିବାକୁ ଲକ୍ଷ୍ୟ ରଖିଛନ୍ତି ସରକାର ।
ଭୁବନେଶ୍ବରରୁ ତାପସ ପରିଡା ଓ ଭବାନୀ ଶଙ୍କର ଦାସ , ଇଟିଭି ଭାରତ
