ଭୁବନେଶ୍ବର: ଟ୍ରାଫିକ ପୋଷ୍ଟରେ ଘଣ୍ଟା ଘଣ୍ଟା ଧରି ଖରାରେ ଓ ବର୍ଷାରେ ଠିଆ ହେଉଥିବା ଟ୍ରାଫିକ କର୍ମଚାରୀଙ୍କ ପାଇଁ ଖୁସିଖବର। ଏଣିକି ଟ୍ରାଫିକ ପୋଷ୍ଟରେ ମିଳିବ ଥଣ୍ଡା ପବନର ସୁବିଧା ତା ସାଙ୍ଗକୁ ଲାଇଟ ଓ ଚାର୍ଜିଂ ଭଳି ବ୍ୟବସ୍ଥା। କାରଣ ସୋଲାର ସିଷ୍ଟମ ହେବ ଟ୍ରାଫିକ ପୋଷ୍ଟ। ଟ୍ରାଫିକ ଡିସିପି ସାଗରିକା ନାଥ ପ୍ରଥମ ପର୍ଯାୟରେ ରାଜଧାନୀର ୫ଟି ସ୍ଥାନରେ ଏଭଳି ଟ୍ରାଫିକ ପୋଷ୍ଟ ନିର୍ମାଣ ପାଇଁ ନିଷ୍ପତ୍ତି ନେଇଛନ୍ତି।
ଏଜି ଛକ, ରବିନ୍ଦ୍ରମଣ୍ଡପ, କ୍ୟାପିଟାଲ ହସପିଟାଲ ଓ ଏୟାରପୋର୍ଟ ଛକ ଭଳି ସ୍ଥାନରେ ଏହି ବିଶେଷ ଟ୍ରାଫିକ ପୋଷ୍ଟ ନିର୍ମାଣ କରାଯିବ । ନିର୍ମାଣ ପ୍ରତ୍ୟେକ ପୋଷ୍ଟର ଉଚ୍ଚତା ୧୬ ଫୁଟ ଓ ଚଉଡା ୪ଫୁଟ ରହିବ । ଯେଉଁଥିରେ ଫ୍ୟାନ ଲାଗିବ ତା ସହିତ ଚାରିପଟେ ଫାଇବର ପ୍ୟାନେଲ ରହିବ ଯାହାଦ୍ବାରା ଖରାତାତି ମୁହଁରେ ମାଡ଼ ହେବନି । ତେବେ ଅନେକ ଟ୍ରାଫିକ ପୋଷ୍ଟକୁ ବିଦ୍ୟୁତ ସଂଯୋଗ ସମ୍ଭବପର ନ ହେବାରୁ ତଥା ଶକ୍ତି ସଂଚୟ ଦୃଷ୍ଟିରୁ ସୋଲାର ପ୍ୟାନେଲ ବ୍ୟବସ୍ଥା କରାଯିବାକୁ ନିଷ୍ପତ୍ତି ହୋଇଛି । ତେବେ ପ୍ରତ୍ୟେକ ପୋଷ୍ଟ ପାଇଁ ଦେଢ଼ ଲକ୍ଷ ଖର୍ଚ୍ଚ କରାଯିବାକୁ ଥିବା ବେଳେ ୫ଟି ପୋଷ୍ଟ ପାଇଁ ମୋଟ ୭ ଲକ୍ଷ ଖର୍ଚ୍ଚ ହେବ ବୋଲି ଟ୍ରାଫିକ ଡିସିପି ସାଗରିକା ନାଥ କହିଛନ୍ତି । ଯାହାଦ୍ବାରା ଘଣ୍ଟାଘଣ୍ଟା ଧରି ଟ୍ରାଫିକ ଡ଼୍ୟୁଟି କରୁଥିବା କର୍ମଚାରୀଙ୍କୁ ଟିକିଏ ଆଶ୍ବସ୍ତି ଦେବ ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
