ଭୁବନେଶ୍ବର: ପଶ୍ଚିମ ଓଡିଶା ବିକାଶ ପରିଷଦ ପାଇଁ ପାଣ୍ଠି ବୃଦ୍ଧି କରିବାକୁ ମୁଖ୍ୟମନ୍ତ୍ରୀଙ୍କୁ ବିଜେପି ବିଧାୟକ ଦଳ ଚିଠି ଲେଖିବା ପ୍ରସଙ୍ଗରେ ଆଜି ପୁଣି ଥରେ ଦାବି କରିଛନ୍ତି ବରିଷ୍ଠ ବିଧାୟକ ଜୟ ନାରାୟଣ ମିଶ୍ର । ବିଧାୟକ ଜୟ ନାରାୟଣ ମିଶ୍ର କହିଛନ୍ତି ଯେଉଁ ପାଣ୍ଠି ସରକାର ଦେଉଛନ୍ତି ତାକୁ ପ୍ରିୟାପ୍ରୀତି ପୋଷଣ କରି ତାଙ୍କ ଦଳୀୟ ପାଣ୍ଠି କରିଦେଉଛନ୍ତି । ଏହା ଏକ ବଡ ସମସ୍ୟା । 37 ଟି ବିଧାନସଭା କ୍ଷେତ୍ରକୁ ଯେଉଁ ପାଣ୍ଠି ମିଳୁଛି ତାହା ସମୁଦ୍ର ଶଙ୍ଖେ । ତେଣୁ ପାଣ୍ଠି ବୃଦ୍ଧି ହେବା ଦରକାର ।
ଜୟ କହିଛନ୍ତି ବିଧାନସଭା କ୍ଷେତ୍ର ହିସାବରେ ଅନୁଦାନ ସ୍ଥିର ହେବା ଆବଶ୍ୟକ । ଏହା ନହେବା ଦ୍ବାରା ଶାସକ ଦଳ ସେମାନଙ୍କ ପାଣ୍ଠି ଭାବି ବ୍ୟବହାର କରୁଛନ୍ତି । ଯେଉଁ ଲକ୍ଷ୍ୟ ନେଇ ପଶ୍ଚିମ ଓଡିଶା ବିକାଶ ପରିଷଦ ଗଠନ ହୋଇଥିଲା ଯେ ଅତିରିକ୍ତ ଅର୍ଥ ମିଳିବ ଏବଂ ଅଧିକ ବିକାଶ ହେବ, ସେହି ଲକ୍ଷ୍ୟ ସାଧିତ ହୋଇପାରୁନାହିଁ । ଅନେକ ସମସ୍ୟା ହେଉଛି ।
ତେଣୁ ଏହି ପାଣ୍ଠି ବୃଦ୍ଧି ସହ ଭଲ ଭଲ ପ୍ରକଳ୍ପ କଲେ କେଉଁ କ୍ଷେତ୍ରରେ ପଶ୍ଚିମ ଓଡିଶା ବିକଶିତ ହୋଇନାହିଁ, ଆଉ କଣ ଦରକାର । ସେ ସବୁ ପଦକ୍ଷେପ ନେଲେ ଭଲ ହୁଅନ୍ତା । ଏମଆଇପି, ଲିଫ୍ଟ ପଏଣ୍ଟ ଆଦି ବିକଶିତ ହେବା ଦରକାର । ବଲାଙ୍ଗୀର ଜିଲ୍ଲାରେ ଜଳସେଚନ ମାତ୍ର 3 ପ୍ରତିଶତ, ବରଗଡ ଜିଲ୍ଲା ଶିକ୍ଷା କ୍ଷେତ୍ରରେ ପଛୁଆ । ଏହାବାଦ ଅନ୍ୟ ଜିଲ୍ଲା ଗୁଡିକରେ ମଧ୍ୟ ସମସ୍ୟା ରହିଛି । ଏସବୁ ଉପରେ ଗୁରୁତ୍ବ ଦେବା ପାଇଁ ପାଣ୍ଠି ବୃଦ୍ଧି କରାଯାଉ ବୋଲି ବିଜେପି ବିଧାୟକ ମାନେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିବା କହିଛନ୍ତି ବିଧାୟକ ଜୟ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
