ଭୁବନେଶ୍ବର: ରାହୁଲ ଗାନ୍ଧୀଙ୍କ ‘ଭାରତଯୋଡ’ ପଦଯାତ୍ରାରେ ରାହୁଲଙ୍କ ଲୋକପ୍ରିୟତା ବୃଦ୍ଧି ପାଉଥିବାରୁ ଅସହିଷ୍ଣୁ ହୋଇପଡିଛି ବିଜେପି । ତେଣୁ ହିଜାବର ପ୍ରତିବାଦ କରୁଛି ବିଜେପି । ରାହୁଲ ଗାନ୍ଧୀଙ୍କ ଭାରତଯୋଡ ପଦଯାତ୍ରାକୁ ନେଇ ଆଜି ଏମିତି କହିଛନ୍ତି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା । ସନ୍ତୋଷ କହିଛନ୍ତି ଭାରତ ଯୋଡ ଯାତ୍ରାକୁ ଭୟଙ୍କର ଭାବେ ଭୟ କରୁଛି ବିଜେପି ।
ଏମିତି ହୋଇନଥିଲେ ବିଭିନ୍ନ ବୃଥାହୀନ ପ୍ରସଙ୍ଗକୁ ବିଜେପି ମୁଦ୍ଦା କରିନଥାନ୍ତା । ସେ ଟି-ସାର୍ଟ ପ୍ରସଙ୍ଗ ହେଉ କିମ୍ବା ହିଜାବ ପରିଧାନ କରିଥିବା ଛୋଟ ଛୁଆଙ୍କ ସାଙ୍ଗରେ ରାହୁଲ ଗାନ୍ଧୀ ପଦଯାତ୍ରା କରିବା ହେଉ । ସାଲୁଜା ଆହୁରି ମଧ୍ୟ କହିଛନ୍ତି ବର୍ତ୍ତମାନ କେରଳ ଓ ତାମିଲନାଡୁରେ ପଦଯାତ୍ରା ଚାଲିଛି । ମହିଳା, ବୟସ୍କ ସହ ଛୋଟ ଛୋଟ ପିଲାବି ରାହୁଲଙ୍କ ସହ ଯୋଡି ହେଉଛନ୍ତି । ଏହି ଭଲ ପାଇବାକୁ ଦେଖି ବିଜେପି ସହି ପାରୁନି ତେଣୁ ଅପପ୍ରଚାର କରୁଛି । 2024 ରେ କେନ୍ଦ୍ର ଏବଂ ରାଜ୍ୟରେ ମଧ୍ୟ କଂଗ୍ରେସ ସରକାରକୁ ଆସିବ ବୋଲି ସାଲୁଜା କହିଛନ୍ତି ।
ଇଟିଭି ଭାରତ, ଭୁବନେଶ୍ବର
