ନୟାଗଡ଼: ପୁଣି ଜଙ୍ଗଲରେ କିଛି ଦୁର୍ବୃତ୍ତ ନିଆଁ ଲଗାଇଥିବା ଅଭିଯୋଗ । ଜଙ୍ଗଲ ଜଳିପୋଡ଼ି ହେଲା ପାଉଁଶ । ନୟାଗଡ଼ ଜିଲ୍ଲା ରାଜସୁନାଖଳା-ଚାନ୍ଦପୁର ପୁର୍ତ୍ତ ରାସ୍ତାର କୋଟଗଡ଼ ନିକଟରେ ଥିବା ଘାଟି ଜଙ୍ଗଲରେ କେହି ଦୁର୍ବୃତ୍ତ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି । ଯାହାଫଳରେ ଜଙ୍ଗଲର ତଳି ଅଞ୍ଚଳ ଜଳିପୋଡ଼ି ପାଉଁଶ ହୋଇଯାଇଛି ।
ଜଳିଗଲା ମୂଲ୍ୟବାନ ଗଛ
ଜଙ୍ଗଲ ଉପରି ଭାଗକୁ ନିଆଁ ଯିବା ପୂର୍ବରୁ ଏହାକୁ ଆୟତ୍ତ କରାଯାଇଛି । ତଥାପି ଅନେକ ମୂଲ୍ୟବାନ ଗଛ ପୋଡ଼ି ଯାଇଛି । ଜଙ୍ଗଲ ଖାଲି ହୋଇଯାଇଥିବା ଦେଖିବାକୁ ମିଳିଛି । ବିଶେଷ କରି ପଟାସ ଗଛ ସବୁ ନିଆଁରେ ପ୍ରଭାବିତ ହୋଇଛନ୍ତି । ଜଙ୍ଗଲ ଦେଇ ଯାଇଥିବା ଏକ କେବୁଲ ମଧ୍ୟ ନଷ୍ଟ ହୋଇଯାଇଛି । ନିଆଁ ଲାଗି ଘାଟି ଜଙ୍ଗଲର ତଳି ଅଞ୍ଚଳ ସଫା ହୋଇଯାଇଥିବାରୁ ପୁନଃବନୀକରଣ କରିବାକୁ ଦାବି ହୋଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
