ଭୁବନେଶ୍ବର: ବିଚ୍ ରାସ୍ତାରେ କନେଷ୍ଟବଲଙ୍କ କାରସାଦି । ରାସ୍ତା ଉପରେ ଯୁବତୀଙ୍କୁ କଲେ ଟଣାଟଣି। ସର୍ବସାଧାରଣରେ ଧରିପକାଇଲେ ହାତ। ଆଉ ଲୋକଙ୍କ ଠାରୁ ଖାଇଲେ ନିର୍ଦ୍ଦୁମ ମୁଥ। ଏମିତି ଘଟଣା ଘଟିଛି ରାଜଧାନୀର କଳ୍ପନା ଛକ ଟ୍ରାଫିକ ସିଗନାଲ ନିକଟରେ।
ରାସ୍ତାରେ ଧରିପକାଇଲେ ଯୁବତୀଙ୍କ ହାତ, ବିଚ୍ ରାସ୍ତାରେ କନେଷ୍ଟବଲ ଖାଇଲେ ମୁଥ
ଜଣେ ଯୁବତୀଙ୍କୁ ପିଛା କରି ହିରୋଗିରି ଦେଖାଉଥିଲେ ଏସଏସବିର କନେଷ୍ଟବଲ ପ୍ରମୋଦ ବେହେରା। ଆଉ ଯୁବତୀଙ୍କୁ ଅଶ୍ଳିଳ ଇଙ୍ଗିତ କରି ହାତ ଧରି ଟାଣିଥିଲେ । ପରେ ଯୁବତୀ ଜଣଙ୍କ ଚିତ୍କାର କରିବାରୁ ସ୍ଥାନୀୟ ଲୋକେ ପ୍ରମୋଦକୁ କାବୁ କରି ମାଡ ମାରିବା ସହ ପିସିଆର ଡାକି ପୋଲିସକୁ ହସ୍ତାନ୍ତର କରିଥିଲେ ।
ତେବେ ଏନେଇ ଯୁବତୀ ଜଣଙ୍କ ବର୍ତ୍ତମାନ ସୁଦ୍ଧା କୌଣସି ଏତଲା ଦେଇନଥିବା ବେଳେ ପୋଲିସ ଅଭିଯୁକ୍ତକୁ ରଖି ପଚରାଉଚରା କରୁଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
