ଭୁବନେଶ୍ବର: ରାଜଧାନୀରେ ମହିଳା ଆଇଆଇସିଙ୍କୁ ଅସଦାଚରଣ । ରାୟଗଡା ରୋଡ ସେଫଟି ଇନ୍ସପେକ୍ଟର ଆଶ୍ରିତା ଫାଲକୋଇଙ୍କୁ ଅସଦାଚରଣ କରିଛନ୍ତି ଦୁର୍ବୃତ୍ତ । ଖଣ୍ଡଗିରି ଥାନା ବାରଭିଜ ଲଜ ନିକଟରେ ଅସଦାଚରଣ କରିଥିବା ନେଇ ଖଣ୍ଡଗିରି ଥାନାରେ ଏତଲା ପରେ ଲଜ ମାଲିକକୁ ଗିରଫ କରିଛି କମିଶନରେଟ ପୋଲିସ ।
ଏହି ମାମଲାରେ ଆଉ ଦୁଇଜଣ ଅଭିଯୁକ୍ତ ଫେରାର ଅଛନ୍ତି । ସୂଚନା ମୁତାବକ ଆଶ୍ରିତା ଏକ ଘରୋଇ ହସପିଟାଲରେ ଚିକିତ୍ସିତ ପାଇଁ ଭୁବନେଶ୍ବର ଆସିଥିଲେ । ତେବେ ବାରଭୁଜା ଲଜରେ ରହି ରେଗୁଲାର ଚେକପ ପାଇଁ ଯାଉଥିଲେ ।
ହେଲେ ଗତକାଲି ଲଜ ତଳେ ଥୁଆ ହୋଇଥିବା ତାଙ୍କ କାରକୁ ଧକ୍କା ଦେଇଥିଲା ଏକ ବାଇକ । ଏନେଇ ସେ ବିରୋଧ କରିବାରୁ ସମ୍ପୃକ୍ତ ଯୁବକ ଜଣକ ଲଜ ମାଲିକକୁ ଡକାଇ ତାଙ୍କ ସହ ଗଣ୍ଡଗୋଳ କରିଥିଲେ । ଏପରିକି ଗାଳିଗୁଲଜ କରି ଅସଦାଚରଣ କରିଥିଲେ ।
ଏନେଇ ଆଶ୍ରିତା ଖଣ୍ଡଗିରି ଥାନାରେ ଏତଲା ପରେ ଲଜ ମାଲିକ ସୌରଭ ଦାସକୁ ଗିରଫ କରିଛି କମିଶନରେଟ ପୋଲିସ । ତେବେ ତାଙ୍କ ଘର ଜଗତସିଂହପୁରର ନାଉଗାଁ ଭାତପଡା ବୋଲି ଜଣାପଡିଛି । ତେବେ ସୌରଭର ଦୁଇ ସହଯୋଗୀ ଏବେବି ଫେରାର ଅଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
