ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଆଜି ଜନ୍ମଦିନ । ୭୭ ବର୍ଷରେ ପାଦ ଥାପିଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ବିଜୁ ଜନତା ଦଳ ତରଫରୁ ଏକ ରକ୍ତ ଦାନ ଶିବର ଅନୁଷ୍ଠିତ ହୋଇଯାଇଛି । ନବୀନ ପଟ୍ଟନାୟକଙ୍କ ଜନ୍ମଦିନ ଅବସରରେ ବିଜେଡି କାର୍ଯ୍ୟାଳୟରେ ଏକ ବିଶାଳ ରକ୍ତ ଦାନ ଶିବିର ଜୀବନ ବିନ୍ଦୁ କାର୍ଯ୍ୟକ୍ରମ କରାଯାଇଥିଲା । ଏହି ରକ୍ତ ଦାନ ଶିବିରରେ ବହୁ ସ୍ବେଚ୍ଛାସେବୀ, ଯୁବ ବର୍ଗ, ଛାତ୍ରମାନେ ଯୋଗ ଦେଇ ରକ୍ତ ଦାନ କରିଥିଲେ ।
ସେହିପରି ନବୀନ ପଟ୍ଟନାୟକଙ୍କ ଜନ୍ମଦିନ ଅବସରରେ ଓୟୁଏଟିରେ ମଧ୍ୟ ଯୁବ ବିଜେଡି ପକ୍ଷରୁ ରକ୍ତ ଦାନ ଶିବିର ଅନୁଷ୍ଠିତ ହୋଇଥିଲା । ଅନୁଷ୍ଠିତ ହୋଇଥିବା ଏହି ରକ୍ତ ଦାନ ଶିବିରରେ ମୋଟ ୩୦୦ ରୁ ୪୦୦ ୟୁନିଟର ରକ୍ତ ସଂଗ୍ରହ କରାଯାଇଥିବା କହିଛନ୍ତି କର୍ମକର୍ତ୍ତା । ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଏହି ଦୁଇଟି ରକ୍ତ ଦାନ ଶିବିରର ଉଦଘାଟନ କରିଥିଲେ । ବିଜୁ ଜନତା ଦଳର ଏହି ରକ୍ତ ଦାନ ଶିବିରରେ ରକ୍ତ ଦାନ କରିଥିବା ବ୍ୟକ୍ତିମାନେ ନବୀନ ପଟ୍ଟନାୟକଙ୍କର ଦୀର୍ଘାୟୁ କାମନା କରିବା ସହ ଏହି ଅଭିଯାନରେ ସାମିଲ ହେବା ପାଇଁ ଅନ୍ୟମାନଙ୍କୁ କହିଥିଲେ ।
ଇଟିଭି ଭାରତ, ଭୁବନେଶ୍ବର
