ଭୁବନେଶ୍ବର: ହୋଲି ରଙ୍ଗରେ ମଜିଯାଇଛନ୍ତି ରାଜ୍ୟବାସୀ। ହୋଲିର ମଜା ନେବାରେପଛରେ ନାହାଁନ୍ତି ରାଜଧାନୀବାସୀ । ରାଜଧାନୀର ମାରୱାଡି ସୋସାଇଟି ପକ୍ଷରୁ ସ୍ଥାନୀୟ ପ୍ରଦର୍ଶନୀ ପଡିଆ ଠାରେ ହୋଲି ଉତ୍ସବ ଆୟୋଜିତ କରାଯାଇଥିଲା । ଯେଉଁଥିରେ ରାଜଧାନୀ ବାସିନ୍ଦା କୃତ୍ରିମବର୍ଷା ପାଣିରେ ଭିଜିବା ସହିତ ହୋଲି ଖେଳର ମଜା ନେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଛୁଆଠୁବୟସ୍କ ପର୍ଯ୍ୟନ୍ତ ରଙ୍ଗ ଓ ପିଚିକାରି ସହିତ ବେଶ୍ ଧୁମଧାମରେ ହୋଲି ପାଳନ କରିଥିଲେ । ଏହା ସହିତ ଏଠାରେ ମାରୱାଡି ସୋସାଇଟି ପକ୍ଷରୁ ଆୟୋଜିତ ଉତ୍ସବରେ ବିଭିନ୍ନ ପ୍ରକାର ମାରୱାଡି ଖାଦ୍ୟର ମଜା ନେବା ସହ ବଲିଉଡ ଓ ଓଲିଉଡ ଗୀତରେ ଝୁମିଥିଲେ ରାଜଧାନୀ ବାସି ।
ଟୋପା ଟୋପା ଝରୁଥିବା ପାଣି ସହିତ ବିଭିନ୍ନ ଗୀତର ଧୁମରେ ମଜିଯାଇଥିଲା ପୁର ପରିବେଶ । ଆଜି ସକାଳ 9ଟାରୁ ଆରମ୍ଭ ହୋଇଥିବା ଏହି ହୋଲି ଉତ୍ସବରେ ହଜାର ହାଜର ସଂଖ୍ୟାରେ ରାଜଧାନୀ ବାସି ଯୋଗ ଦେଇ ଏହାର ଭରପୁର ମଜା ଉଠାଇଥିବାର ଦେଖିବାକୁ ମିଳିଛି ।
ଏହା ପରେ ସନ୍ଧ୍ୟା ସମୟରେ ମାରୱାଡି ସୋସାଇଟି ପକ୍ଷରୁ ପ୍ରଦର୍ଶନୀ ପଡିଆରେ ସଂସ୍କୃତିକ କାର୍ଯ୍ୟକ୍ରମ ସହିତ ମାରୱାଡି ଖାଦ୍ୟର ଆଶର ଜମିବ ବୋଲି ସୂଚନା ମିଳିଛି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
