ହାଇଦ୍ରାବାଦ: ବି-ଟାଉନର ଷ୍ଟାର ଦମ୍ପତି ଦୀପିକା ପାଦୁକୋନ ଏବଂ ରଣଭୀର ସିଂ ଚଳିତ ବର୍ଷ ସେପ୍ଟେମ୍ବର ମାସରେ ପ୍ରଥମ ଥର ପାଇଁ ପିତାମାତା ହୋଇଥିଲେ । ଗଣେଶ ଚତୁର୍ଥୀ ଅବସରରେ ଏହି ଦମ୍ପତିଙ୍କ ଘରକୁ ଲକ୍ଷ୍ମୀ ଆସିଥିଲେ । ସେପ୍ଟେମ୍ୱର 8ରେ ଦୀପିକା ବେବି ଗାର୍ଲକୁ ଜନ୍ମ ଦେଇଥିଲେ । ବର୍ତ୍ତମାନ ଏହି ଦମ୍ପତି ଝିଅ ଜନ୍ମର ଦେଢ ମାସ ପରେ ଅର୍ଥାତ୍ ଦିୱାଲି ଅବସରରେ (ନଭେମ୍ୱର 1)ରେ ଝିଅର ପ୍ରଥମ ଝଲକ ଦେଖାଇଛନ୍ତି ଏବଂ ଝିଅର ନାଁ ର ମଧ୍ୟ ଖୁଲାସା କରିଛନ୍ତି ।
ବେବିର ପ୍ରଥମ ଝଲକ ଦେଖାଇଲେ ଦୀପିକା-ରଣଭୀର
ଦୀପିକା ପାଦୁକୋନ ଏବଂ ରଣଭୀର ସିଂ 31 ଅକ୍ଟୋବର 2024 ରେ ନିଜ ଝିଅ ସହ ପ୍ରଥମ ଦିୱାଲୀ ପାଳନ କରିଛନ୍ତି । 1 ନଭେମ୍ବରରେ ଅଭିନେତ୍ରୀ ତାଙ୍କ ରାଜକୁମାରୀଙ୍କ ପ୍ରଥମ ଫଟୋ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହି ଦମ୍ପତିଙ୍କ ଛୋଟ ରାଜକୁମାରୀ ଫଟୋରେ ପାରମ୍ପାରିକ ଲୁକରେ ନଜର ଆସିଛନ୍ତି । ଫଟୋକୁ ଦେଖିଲେ ଦେଢ ମାସର ଶିଶୁ କନ୍ୟା ଲାଲ୍ ସାଲୱାର୍ ସୁଟ୍ ପିନ୍ଧିଥିବାର ଜଣାପଡିଛି । ଫଟୋରେ ଦୀପିକା ତାଙ୍କ ଝିଅର ଚେହେରା ଦେଖାଇ ନାହାଁନ୍ତି । ଏଥିରେ କେବଳ ତାଙ୍କର ସୁନ୍ଦର ପାଦ ଦେଖିବାକୁ ମିଳିଛି ।
ଏହି ନାଁ ରଖିଲେ ଦୀପଭୀର
ଦୀପିକା ଏବଂ ରଣଭୀର ତାଙ୍କ ଝିଅର ନାଁ ରଖିଛନ୍ତି ଦୁଆ ପାଦୁକୋନ ସିଂ । ଏଥିସହ ସେ ଏହାର ଅର୍ଥ ମଧ୍ୟ ପ୍ରକାଶ କରିଛନ୍ତି । ଇନଷ୍ଟାଗ୍ରାମରେ ଫଟୋ ସେୟାର କରି ଦୀପିକା ଏବଂ ରଣଭୀର କ୍ୟାପସନରେ ଲେଖିଛନ୍ତି, 'ଦୁଆ ପାଦୁକୋନ ସିଂ । ‘ଦୁଆ’: ଯାହାର ଅର୍ଥ ହେଉଛି ପ୍ରାର୍ଥନା । ସେ ଆମର ପ୍ରାର୍ଥନାର ଉତ୍ତର । ଆମର ହୃଦୟ ପ୍ରେମ ଏବଂ କୃତଜ୍ଞତାରେ ପରିପୂର୍ଣ୍ଣ ।' ଏହି ଫଟୋ ସେୟାର ହେବା ମାତ୍ରେ ସେଲିବ୍ରିଟି ସମେତ ଫ୍ୟାନ୍ସ ଦମ୍ପତି ଶୁଭେଚ୍ଛା ଜଣାଇବା ସହ ବେବି ନାଁ ଶୁଣି ଖୁସିବ୍ୟକ୍ତ କରିଛନ୍ତି । ଆଲିଆ ଭଟ୍ଟ ଠାରୁ ଭୂମି ପେଡନକର ଯାଏଁ ସମସ୍ତ ତାରକା ଏବଂ ଫ୍ୟାନ୍ସ ଲାଲ ହାର୍ଟ ଇମୋଜି ଦେବା ସହ ପ୍ରଶଂସା କରିଛନ୍ତି ।
ଏହା ମଧ୍ୟ ପଢନ୍ତୁ: ଦିନ ସାରା କ'ଣ କରୁଛି ଝିଅ ? ଇନଷ୍ଟାଗ୍ରାମରେ ଅପଡେଟ୍ ସେୟାର କଲେ ଦୀପିକା
ବିବାହର ୬ବର୍ଷ ପରେ ପିତାମାତା ହେଲେ ଦୀପିକା-ରଣଭୀର
ବିବାହର ୬ ବର୍ଷ ପରେ ପିତାମାତା ହୋଇଛନ୍ତି ଅଭିନେତ୍ରୀ ଦୀପିକା ପାଦୁକୋନ । ରଣଭୀର ଏବଂ ଦୀପିକା ମଧ୍ୟରେ ପ୍ରେମସମ୍ପର୍କ ୨୦୧୨ରେ ଆରମ୍ଭ ହୋଇଥିଲା । ଦୀର୍ଘ ବର୍ଷର ଡେଟିଂ ପରେ ଏହି ଦମ୍ପତି ନଭେମ୍ୱର 14, ୨୦୧୮ରେ ବିବାହ କରିଥିଲେ । ବିବାହର ୬ବର୍ଷ ପରେ ପିତାମାତା ହୋଇଛନ୍ତି ଦୀପଭୀର । ଉଭୟ ଚଳିତ ଫେବୃଆରୀରେ ପିତାମାତା ହେବା ଖୁସି ଖବର ଫ୍ୟାନ୍ସଙ୍କ ସହ ସେୟାର କରିଥିଲେ । ସେପ୍ଟେମ୍ୱରରେ କୁନି ଅତିଥି ଆସିବେ ବୋଲି ମଧ୍ୟ ଘୋଷଣା କରିଥିଲେ ।
ଏହା ମଧ୍ୟ ପଢନ୍ତୁ: ଝିଅ ଜନ୍ମ ଦେଲେ ଦୀପିକା, ଏହି ନାଁ ରଖିବାକୁ ପରାମର୍ଶ ଦେଲେ ଫ୍ୟାନ୍ସ
ଦୀପିକା ଏବଂ ରଣଭୀରଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ଦୀପଭୀରଙ୍କୁ ନଭେମ୍ୱର 1ରେ ରିଲିଜ ହୋଇଥିବା ଫିଲ୍ମ 'ସିଙ୍ଘମ ଏଗେନ'ରେ ଏକାଠି ଦେଖିବାକୁ ମିଳିଛି । ଉଭୟ ଏଥିରେ ପୋଲିସ ଭୂମିକାରେ ନଜର ଆସିଥିବା ବେଳେ ପ୍ରଶଂସା ସାଉଁଟୁଛନ୍ତି ଉଭୟ । ଫିଲ୍ମ ମଧ୍ୟ ଦର୍ଶକଙ୍କ ମନ ଜିତିବାରେ ସଫଳ ହୋଇଛି । ଫିଲ୍ମ ରିଲିଜ ଦିନରେ ଝିଅର ନାଁ ଖୁଲାସା କରି ଫ୍ୟାନ୍ସଙ୍କୁ ସରପ୍ରାଇଜ କରିଛନ୍ତି ଦୀପଭୀର । ତେବେ ଝିଅ ଜନ୍ମ ହେବା ପରେ ଦୀପିକା ରଣଭୀରଙ୍କ ଏହା ହେଉଛି ପ୍ରଥମ ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
