ସ୍ମାର୍ଟସିଟିରେ ସୃଷ୍ଟି ହେଲା କୁତ୍ରିମ ବନ୍ୟା

ଲଘୁଚାପ ବର୍ଷାରେ ରାଜଧାନୀ ଭୁବନେଶ୍ବରରେ ସୃଷ୍ଟି ହୋଇଛି କୁତ୍ରିମ ବନ୍ୟା । ରାଜଧାନୀରେ ଲୋକଙ୍କୁ ଗମନାଗମନ କ୍ଷେତ୍ରରେ ବିଭିନ୍ନ ସମସ୍ୟା ପରିଲକ୍ଷିତ ହେଉଛି ।

ଭୁବନେଶ୍ବର: ଲଘୁଚାପ ବର୍ଷାରେ ବେହାଲ ରାଜଧାନୀ । ସ୍ଥାନେ ସ୍ଥାନେ ଜମିଲା ପାଣି। ଆଣ୍ଠୁଏ ପାଣିରେ ଲୋକେ ହନ୍ତସନ୍ତ l ଗତକାଲି ଠାରୁ ଆରମ୍ଭ ହୋଇଥିବା ତିନି ଦିନିଆ ଲଘୁଚାପ ବର୍ଷା ସାରା ରାଜ୍ୟକୁ ପାଣି ପିଆଇଛି ।

ଗତକାଲି ଠାରୁ ରାଜଧାନୀ ଭୁବନେଶ୍ବରରେ 24 ଘଣ୍ଟା ଧରି ବର୍ଷା ଲାଗିରହିଛି । ରାଜଧାନୀର ଜୟଦେବ ଭବନ, ଆଚାର୍ଯ୍ୟ ବିହାର ଆଦି ଅଞ୍ଚଳରେ ଆଣ୍ଠୁଏ, ଆଣ୍ଠୁଏ ପାଣିରେ ଲୋକେ ଉବୁଟୁବୁ ହେଉଛନ୍ତି । ଲୋକଙ୍କୁ ବାହାରକୁ ବାହାରିବାରେ ସମସ୍ୟା ଉପୁଜୁଛି । ଯାହା ଫଳରେ ଗମନାଗମନର ଅସୁବିଧା ପରିଲକ୍ଷିତ ହୋଇଛି ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ