ଭୁବନେଶ୍ବର: ଆସନ୍ତାକାଲି (ଶୁକ୍ରବାର) 6 ଘଣ୍ଟିଆ ଓଡିଶା ବନ୍ଦ ଡାକରା ଦେଇଛି କଂଗ୍ରେସ । ଏହାକୁ ସହଜରେ ଗ୍ରହଣ କରି ପାରୁନି ଶାସକ ବିଜୁ ଜନତା ଦଳ। କଳାହାଣ୍ଡି ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଦାବିକୁ ନେଇ ଚାଲିଥିବା ଆନ୍ଦୋଳନକୁ କଂଗ୍ରେସ ମଧ୍ୟ ରାଜଧାନୀ ଦିଲ୍ଲୀକୁ ନେଇଛି । ଏହାସହ ଦଳ ଆସନ୍ତାକାଲି ସାରା ରାଜ୍ୟରେ 6 ଘଣ୍ଟିଆ ବନ୍ଦ ପାଳନ ଆହ୍ବାନ ଦେଇଛି। ସମସ୍ତ ଜନସାଧାରଣଙ୍କୁ ସମର୍ଥନ କରିବାକୁ ନିବେଦନ କରିଛି ଦଳ।
କଂଗ୍ରେସର ଏହି ବନ୍ଦ ଡାକରାକୁ ସମର୍ଥନ କରିଛି ବିଜେପି । ବିଜେପି ବିଧାୟିକା କୁସୁମ ଟେଟେ କହିଛନ୍ତି ରାଜ୍ୟରେ ନାରୀ ନିର୍ଯ୍ୟାତନା ଦିନକୁ ଦିନ ବୃଦ୍ଧି ପାଉଛି । କଂଗ୍ରେସ ବନ୍ଦକୁ ଆମେ ସମର୍ଥନ କରୁଛୁ । ରାଜ୍ୟ ସରକାର ନାଟକ ବାଜି କରୁଛନ୍ତି। ସମଗ୍ର ରାଜ୍ୟରେ ମହିଳା ଆଜି ଅସୁରକ୍ଷିତ। ଏ କଥାକୁ ମୁଁ ବିଧାନସଭାକୁ ନେବି। ମମିତାକୁ ନ୍ୟାୟ ମିଳିଲାନାହିଁ। ଶତ୍ରୁ ଠାରୁ ମଧ୍ୟ ବଳିଗଲେ ସରକାର । ମମିତା ପରିବାରକୁ ସମବେଦନା ଜଣାଇବା ଦୂରର କଥା, ମୁଖ୍ୟମନ୍ତ୍ରୀ ମନ୍ତ୍ରୀ ଦିବ୍ୟଶଙ୍କରଙ୍କୁ ନେଇ ଷ୍ଟେଜ ଉପରେ ବସାଇବା ଅତ୍ୟନ୍ତ ଦୁଃଖଦ ଘଟଣା ବୋଲି କହିଛନ୍ତି ବିଧାୟିକା କୁସୁମ ଟେଟେ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
