ଭୁବନେଶ୍ବର: ଚିଲିକା ରାଜହଂସ ନିକଟରେ ଲାଗିଥିବା ମାଲେସିଆ ଜାହାଜକୁ ତୁରନ୍ତ ହଟାଇବା ପାଇଁ ଆରମ୍ଭ ହୋଇଛି ପ୍ରକ୍ରିୟା । ଏହି ସୂଚନା ଦେଇଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା ।
ଫେରିଯିବ ମାଲେସିଆ ଜାହାଜ
ଜାହାଜର ମାଲିକଙ୍କୁ ଚିହ୍ନଟ କରାଯାଇଛି । ସେପଟେ ପୁରୀ ଜିଲ୍ଲାପାଳଙ୍କ ଅନୁମତି ମଧ୍ୟ ନେଇଛନ୍ତି ଜାହାଜର ମାଲିକ । ଖୁବଶୀଘ୍ର ସେ ତେଲ ବାହାର କରିବେ । ଏହା ପରେ ଜାହାଜ ନେବେ ବୋଲି କହିଛନ୍ତି ମନ୍ତ୍ରୀ । ଜାହାଜଟି ବାଂଲାଦେଶ ଅଭିମୁଖେ ଗତି କରୁଥିଲା ବେଳେ ଘୂର୍ଣ୍ଣିଝଡ ସମ୍ମୁଖୀନ ହୋଇ ଭୁଲପଥରେ ଚାଲିଆସି ଚିଲିକାରେ ଲାଗିଥିଲା । ପରେ ଜାହାଜଟି ମାଲେସିଆର ବୋଲି ଚିହ୍ନଟ ହୋଇଥିବା ମନ୍ତ୍ରୀ କହିଛନ୍ତି ।
ଏପଟେ ପୁରୀ ଜିଲ୍ଲାପାଳ କହିଛନ୍ତି, ଏହା ଉପରେ ନଜର ରହିଛି l ଜାହାଜରୁ ତେଲ ଲିକ୍ ହେବା ଆଶଙ୍କା ଥିବାରୁ ତେଲ କାଢିବାକୁ ନିର୍ଦ୍ଦେଶ ଦିଆଯାଇଛି । ଷ୍ଟାଣ୍ଡାର୍ଡ ଅପରେଟିଂ ପ୍ରସିଡ୍ୟୁଓର ଅନୁସାରେ କାମ କରାଯାଇ ଜାହଜକୁ ମାଲେସିଆ ପଠାଯିବ ।
ଭୁବନେଶ୍ବରରୁ ତପନ ଦାସ ଓ ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
