ଭୁବନେଶ୍ବର: ରାଜଧାନୀର ରସୁଲଗଡ ଛକରେ ଅଗ୍ନିକାଣ୍ଡ । ରସୁଲଗଡ ଓ ମଞ୍ଚେଶ୍ବର ରାସ୍ତା ଉପରେ ସ୍ଥିତ ଏକ ସ୍ପେୟାରପାର୍ଟସ ଦୋକାନରେ ରବିବାର ଭୟାବହ ଅଗ୍ନିକାଣ୍ଡ ଘଟିଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚିଛି । ନିଆଁ ଲିଭାଇବା କାର୍ଯ୍ୟରେ ଦୁଇଟି ଦମକଳ ଗାଡି ନିୟୋଜିତ ଅଛନ୍ତି । ନିଆଁରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇଯାଇଛି । ତେବେ ଏ ଯାଏଁ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
ମାଲିକ ସାମ୍ନାରେ ଜଳିଗଲା ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
ଦୋକାନରେ ହଠାତ୍ ନିଆଁ ଲାଗିଥିଲା । ଦୋକାନ ମାଲିକ ଆଖି ଆଗରେ ଦୋକାନ ଜଳୁଥିବାର ଦେଖୁଥିଲେ ବି ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ସେ କିଛି ବି କରିପାରିନଥିଲେ । ତେବେ ଛୋଟ ଛୋଟ ଦୋକାନଗୁଡିକରେ ଫାୟାର ଏକ୍ସଟନସର ନଥିବା ଯୋଗୁଁ ଏଭଳି ଅଘଟଣ ଘଟୁଥିବା ଜଣାପଡିଛି । ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇ ଯାଇଥିବାବେଳେ ଏଥିରେ କେହି ଆହତ ହୋଇନଥିବା ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
