ଭୁବନେଶ୍ବର: ମହାନଦୀ ଜଳ ବିବାଦକୁ ନେଇ ରାଜ୍ୟ କଂଗ୍ରେସ ପୁଣି ଥରେ ରାଜ୍ୟ ସରକାରଙ୍କୁ କଡା ସମାଲୋଚନା କରିଛି । ଆଜି କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି ଓଡିଶା ସ୍ବାର୍ଥରେ ନାହାନ୍ତି କେନ୍ଦ୍ର ଓ ରାଜ୍ୟ ସରକାର। କଂଗ୍ରେସ ଛତିଶଗଡ ସରକାରଙ୍କୁ ଆଲୋଚନା ପାଇଁ ପ୍ରସ୍ତାବ ଦେବ। ଆଲୋଚନା ମାଧ୍ୟମରେ ସମାଧାନ ରାସ୍ତା ବାହାରିବ।
ସେତେବେଳେ ଛତିଶଗଡରେ ବିଜେପି ସରକାର ଥିଲା କିନ୍ତୁ କେନ୍ଦ୍ର ସରକାର କିଛି କଲେ ନାହିଁ l ଏବେ କଂଗ୍ରେସ ସରକାର ଅଛି। ମୁଖ୍ୟମନ୍ତ୍ରୀ ଏ ବିଷୟରେ କାହିଁକି ଚୁପ ବସିଛନ୍ତି? ଆବଶ୍ୟକ ପଡିଲେ କଂଗ୍ରେସ ନିଶ୍ଚିତ ସ୍ବର ଉତ୍ତୋଳନ କରିବ ବୋଲି ସୁର କହିଛନ୍ତି ।
ସେହିପରି ବିଜେଡି ସାଂସଦ ଅମର ପଟ୍ଟନାୟକ ମଧ୍ୟ ମହାନଦୀ ପ୍ରସଙ୍ଗରେ ଦଳର ଆଭିମୁଖ୍ୟ ରଖିଛନ୍ତି । ଅମର କହିଛନ୍ତି ଓଡିଶା ସ୍ବାର୍ଥରେ ନାହାନ୍ତି ବିଜେପି ଓ କଂଗ୍ରେସ । ଛତିଶଗଡରେ ବିଜେପି ସରକାର ଥିଲା , ସେମାନେ କିଛି କଲେ ନାହିଁ l ଏବେ କଂଗ୍ରେସ ସରକାର ଅଛି l ସେମାନେ ବି କିଛି କରିନାହାନ୍ତି l ବିଜେଡି ଏକ ଆଞ୍ଚଳିକ ଦଳ ଭାବେ ସବୁବେଳେ ଓଡିଶା ସ୍ବାର୍ଥ ପାଇଁ ଲଢିଛି ଆଉ ଲଢିବ ମଧ୍ୟ । ଜାତୀୟ ଦଳ କେବଳ ନିର୍ବାଚନ ସମୟରେ ଦେଖା ଦିଅନ୍ତି l
ମହାନଦୀ ମାମଲା ଏବେ ଟ୍ରିବ୍ୟୁନାଲରେ ରହିଛି l ବିଜେଡି ରାଜ୍ୟ ସ୍ବାର୍ଥ ପାଇଁ ଲଢ଼ୁଛି ଆଉ ଏହି ଲଢେଇ ଜାରି ରହିବ ବୋଲି କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ