ଭୁବନେଶ୍ବର: ମୌଲବୀ ପରୀକ୍ଷାର୍ଥୀଙ୍କ ଫି’ ଛାଡ଼ କରିବା ନେଇ ଅନୁମତି ମାଗିଲା ମଦ୍ରାସା ବୋର୍ଡ । ମଦ୍ରାସାଗୁଡିକର ମୌଲବୀ ପରୀକ୍ଷାର୍ଥୀଙ୍କ ପାଇଁ ଚଳିତ ବର୍ଷ ପରୀକ୍ଷା ଫି ଛାଡ଼ କରିବାକୁ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ବିଦ୍ୟାଳୟ ଗଣଶିକ୍ଷା ବିଭାଗକୁ ଅନୁମତି ମଗାଯାଇଛି ।
ଓଡିଶା ମଦ୍ରାସା ବୋର୍ଡ଼ ପରିଚାଳିତ ମୌଲବୀ ପରୀକ୍ଷାରେ ଚଳିତ ବର୍ଷ 221 ଜଣ ରେଗୁଲାର ଓ ଏକ୍ସ ରେଗୁଲାର ପରୀକ୍ଷାର୍ଥୀ ପରୀକ୍ଷା ଦେବେ । ଜଣେ ପରୀକ୍ଷାର୍ଥୀ ଏକ ହଜାର ଟଙ୍କା ଫି ଦାଖଲ କରିବେ । କୋଭିଡ ସମୟରେ ମାଟ୍ରିକ ପରୀକ୍ଷାର୍ଥୀଙ୍କୁ ଯେପରି ପରୀକ୍ଷା ଫି ଛାଡ଼ କରାଯାଇଛି ସେପରି ମୌଲବୀ ପରୀକ୍ଷାର୍ଥୀଙ୍କ ଛାଡ଼ କରିବାକୁ ମଦ୍ରାସା ବୋର୍ଡ଼ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟକୁ ଅନୁମତି ମାଗିଛି । କୋରୋନା କାଳରେ 221 ପରୀକ୍ଷାର୍ଥୀଙ୍କ ମୋଟ ଫି 2 ଲକ୍ଷ 21 ହଜାର ଟଙ୍କା ଛାଡ଼ କରିବାକୁ ଅନୁମତି ମାଗିଛି ମଦ୍ରାସା ବୋର୍ଡ଼ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
