ନୂଆଦିଲ୍ଲୀ: ବିହାର ନିର୍ବାଚନକୁ ଆଉ ଅଳ୍ପ ଦିନ ବାକି ଥିବାବେଳେ ସମସ୍ତ ଦଳ ନିଜ ନିଜର ପ୍ରଚାର ଅଭିଯାନ ଆରମ୍ଭ କରିଦେଇଛନ୍ତି । ତେବେ ନିର୍ବାଚନ ପାଇଁ 30 ଜଣିଆ ଷ୍ଟାର ପ୍ରଚାରକଙ୍କ ନାଁ ଘୋଷଣା କରିଥିଲା ବିଜେପି । ଯେଉଁଥିରେ କେନ୍ଦ୍ରମନ୍ତ୍ରୀ ତଥା ଓଡିଆ ପୁଅ ଧର୍ମେନ୍ଦ୍ର ପ୍ରଧାନଙ୍କ ନାଁ ସାମିଲ ରହିଛି ।
ସେହିପରି ବିହାର ସାଙ୍ଗକୁ ମଧ୍ୟପ୍ରଦେଶର ଉପନିର୍ବାଚନର ପ୍ରଚାର ତାଲିକାରେ ମଧ୍ୟ ଧର୍ମେନ୍ଦ୍ରଙ୍କ ନାଁ ରହିଛି । ବିହାର ନିର୍ବାଚନର ଷ୍ଟାର ପ୍ରଚାରକଙ୍କ ତାଲିକାରେ ସର୍ବପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାଁ ରହିଥିବାବେଳେ ଦ୍ବିତୀୟରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ନାଁ ରହିଛି ।
