ଭୁବନେଶ୍ବର: କୋଭିଡର ଦ୍ଵିତୀୟ ଲହରୀର ଦ୍ଵିତୀୟ ପର୍ଯ୍ୟାୟ ଲକଡ଼ାଉନ ନେଇ ହେବ ଘୋଷଣା । ଆଜି(ମଙ୍ଗଳବାର) ଅପରାହ୍ନ 4.30ରେ ଏନେଇ ଘୋଷଣା କରିବେ ମୁଖ୍ୟ ଶାସନ ସଚିବ । ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି ଆଉ ଦୁଇ ସପ୍ତାହ ବଢିପାରେ ଲକଡ଼ାଉନ ।
ଆଜି(ମଙ୍ଗଳବାର) ଲକଡାଉନ ସମ୍ପର୍କରେ ବଡ଼ ଘୋଷଣା କରିପାରନ୍ତି ରାଜ୍ୟ ସରକାର । ଆସନ୍ତାକାଲି(ବୁଧବାର) ସରୁଛି ପ୍ରଥମ ଲକଡାଉନ ଅବଧି । ତେବେ ଲକଡାଉନ ଆଉ 2 ସପ୍ତାହ ବୃଦ୍ଧି କରିବା ନେଇ ରାଜ୍ୟ ସରକାର ଘୋଷଣା କରିବେ ବୋଲି ସୂଚନା ମିଳୁଛି । ଏନେଇ ବିଶେଷଜ୍ଞଙ୍କ ସହ ଆଲୋଚନା କରିଛନ୍ତି ସରକାର । ମେ ପ୍ରଥମ କିମ୍ବା ଦ୍ୱିତୀୟ ସପ୍ତାହରେ କୋଭିଡର ଦ୍ଵିତୀୟ ଲହରୀ ପିକକୁ ଯିବ ବୋଲି ବିଶେଷଜ୍ଞ ପୂର୍ବାନୁମାନ କରିଛନ୍ତି । ତେଣୁ ସରକାର ଏହାକୁ ଦୃଷ୍ଟିରେ ରଖି ଦ୍ଵିତୀୟ ପର୍ଯ୍ୟାୟ ଲକଡ଼ାଉନ ଆଉ ଦୁଇ ସପ୍ତାହ ବଢ଼ାଇବା ଲାଗି ନିଷ୍ପତ୍ତି ନେଇପାରନ୍ତି ବୋଲି ଅନୁମାନ କରାଯାଉଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
