ଭୁବନେଶ୍ବର: ଲକଡାଉନ କଟକଣା ଉଲଂଘନ କରି ସାମ୍ବାଦିକ ସମ୍ମିଳନୀ ଓ ବନ୍ଧୁମିଳନ କାର୍ଯ୍ୟକ୍ରମ କରିଥିଲେ ବରିଷ୍ଠ କଂଗ୍ରେସ ନେତା ସୁର ରାଉତରାୟ । ସେ ନେଇ ସେ ଆଜି ସ୍ପଷ୍ଟୀକରଣ ଦେଇଛନ୍ତି । ଏହି କାର୍ଯ୍ୟକ୍ରମ ନନ୍ଦନକାନନ ସୁରକ୍ଷା ପାଇଁ କରିଥିଲୁ ବୋଲି କହିଛନ୍ତି ସୁର । ଏହା ଦଳୀୟ କାର୍ଯ୍ୟକ୍ରମ ନୁହେଁ ବୋଲି କହି ସଫେଇ ଦେଇଛନ୍ତି ସୁର। ସେହିପରି ଜୀବନ ଆଗ, ଲକଡାଉନ ପଛ ବୋଲି ମଧ୍ୟ ସୁର କହିଛନ୍ତି ।
ଗତକାଲି ଘଟଣା ନେଇ ଆଜି ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ସୁରେଶ କୁମାର ରାଉତରାୟ । ଗତକାଲିର କାର୍ଯ୍ୟକ୍ରମ ଦଳ ତରଫରୁ ହୋଇନଥିଲା । ଏହା ନନ୍ଦନକାନନର ଓ ସ୍ଥାନୀୟ ଅଞ୍ଚଳର ବିଭିନ୍ନ ସମସ୍ୟାକୁ ନେଇ ହୋଇଥିଲା । ଅନ୍ୟପଟେ ବିଜେଡି ପକ୍ଷରୁ ଉତ୍ତର ବିଧାୟକ ଝୁମକାରେ ରାଜନୈତିକ ସଭା ହୋଇଥିଲା । ସେଠାରେ 5 ଶହରୁ ଅଧିକ ଦଳୀୟ ନେତା ଓ କର୍ମୀ ସାମିଲ ହୋଇଥିଲେ । ହେଲେ ସୂଚନା ପାଇ ମଧ୍ୟ ପ୍ରଶାସନ ଯାଇନଥିଲା କି କୌଣସି କାର୍ଯ୍ୟାନୁଷ୍ଠାନ ନେଇନଥିଲା ବୋଲି ଅଭିଯୋଗ କରିଛନ୍ତି ସୁର । ବିଜେଡିର ବିଭିନ୍ନ ସ୍ଥାନରେ କର୍ମୀ ସମ୍ମିଳନୀ କରୁଛି, ପ୍ରଶାସନ ସବୁ ଜାଣି ମଧ୍ୟ କାର୍ଯ୍ୟାନୁଷ୍ଠାନ କାହିଁକି ନେଉନାହିଁ ବୋଲି ସୁର ଅଭିଯୋଗ ଆଣିଛନ୍ତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ , ଇଟିଭି ଭାରତ
