ଭୁବନେଶ୍ବର: ବାଘ ଛାଲ ନେଟୱର୍କର ଆଉ ଏକ ଖୁଲାସା । ଏଣିକି ଉପାନ୍ତ ଅଞ୍ଚଳ ନୁହେଁ ରାଜଧାନୀରେ ଦେଖିବାକୁ ମିଳିଛି ବାଘ ଛାଲ ଡିଲ । ଯାହାର ସୁରାକ ପାଇ ଏସଟିଏଫର ରେଡ ବେଳେ ଧରାପଡିଛି ବେପାରୀ ।
ଭୁବନେଶ୍ବରର ଶିକ୍ଷା ଓ ଅନୁସନ୍ଧାନ ୟୁନିଭରସିଟିର ଡ୍ରାଇଭର ଭାବେ କାମ କରୁଥିବା ଜଣେ ବେପାରୀ ଚଳାଇଥିଲା ଏପରି ହାଇପ୍ରୋଫାଇଲ କାରବାର । ବରମୁଣ୍ଡା କାଳିମନ୍ଦିର ନିକଟରେ ଡିଲ ବେଳେ ଗିରଫ ହେଲା ବେପାରୀ ପ୍ରଶାନ୍ତ କୁମାର ନାୟକ । ଯାହାର ଘର ମୟୁରଭଞ୍ଜ କରଞ୍ଚିଆ ରଡଙ୍ଗ ବୌଲି ଜଣା ପଡିଛି ।
ଭୁବନେଶ୍ବରରେ ବାଘ ଛାଲ ଡିଲ୍, ବରମୁଣ୍ଡାରୁ ବେପାରୀ ଗିରଫ
ତେବେ ତା ନିକଟରୁ ଗୋଟିଏ ବାଘଛାଲ ଜବତ କରାଯାଇଛି । ରାଜଧାନୀରେ ବାଘଛାଲ ଡିଲ ସାମ୍ନାକୁ ଆସିବା ପରେ ଆଶା କରାଯାଉଛି ଏହି ନେଟୱର୍କର ଚେର ହୁଏତ ଆହୁରି ଲମ୍ବା ହୋଇଥାଏ ପାରେ । ଏନେଇ ଏସଟିଏଫ ଛାନଭିନ ଜାରି ରଖିଥିବା ବେଳେ ୱାଇଲଡଲାଇଫ ଆକ୍ଟରେ ଗିରଫ କରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
