ଭୁବନେଶ୍ବର: ବାଘ ଛାଲ ବିକ୍ରିପାଇଁ ଡିଲ୍ କରିଥିଲା ଶିକାରୀ । ହେଲେ ଧରି ପକାଇଲା ଏସଟିଏଫ । ବନ ବିଭାଗର ବିଶେଷ ସୂତ୍ରରୁ ଖବର ପାଇ କନ୍ଧମାଳ ଜିଲ୍ଲା ସିପ୍ତିଗୁଡା ଗାଁ ପାଖ ଜଙ୍ଗଲରେ ଚଢାଉ କରିଥିଲା STF ଟିମ୍ । ଏଥିରେ ବାଲିଗୁଡା ୱାଇର୍ଲ୍ଡ ଲାଇଫ ରେଞ୍ଜରୁ ବାଘଛାଲ ଡିଲ ସମୟରେ ଅଭିଯୁକ୍ତ ଗିରଫ ହୋଇଥିବା ଜଣାପଡିଛି ।
ତେବେ ଗିରଫ ହୋଇଥିବା ଅଭିଯୁକ୍ତ ନିକଟରୁ ବନ୍ୟପ୍ରାଣୀ ଅଙ୍ଗତସ୍କରି ଓ ଚୋରାଚାଲାଣ ଘଟଣାରେ ୧୬ଟି ବାଘ ଛାଲ, ୯ଟି ହାତୀ ଦାନ୍ତ, ୪ଟି ହରିଣ ଛାଲ, ୧୫ କେଜି ବଜ୍ରକାପ୍ତା ଛାଲ ସମେତ ଗୋଟିଏ ଜୀବନ୍ତ ବଜ୍ରକାପ୍ତା ଜବତ କରିଛି ଏସଟିଏଫ ।
ସେପଟେ ଏହି ମାମଲାରେ ରାଜ୍ୟରୁ ୩୩ଜଣ ବନ୍ୟପ୍ରାଣୀ ତସ୍କରିଙ୍କୁ ଗିରଫ କରାଯାଇଛି । ତେବେ ଏନେଇ ସ୍ବତନ୍ତ୍ର ହେଲପଲାଇନ ନମ୍ବର ଜାରି କରିବା ସହ ଶିକାରୀଙ୍କୁ ଧରିବା ପାଇଁ ବିଭିନ୍ନ ଜିଲ୍ଲାରେ ନିଜର ନେଟୱର୍କ ବିଛାଇଛି ଏସଟିଏଫ ।
ଭୁବନେଶ୍ବରୁ ତାପସ ପରିଡା, ଇଟିଭି ଭାରତ
