ଭୁବନେଶ୍ବର: ଧରାପୃଷ୍ଠରେ ବିରାଜିଛନ୍ତି ଧନଦାତ୍ରୀ ମା’ଲକ୍ଷ୍ମୀ । କିନ୍ତୁ ଚଳିତବର୍ଷ ମଧ୍ୟ କୋଭିଡ ସଂକ୍ରମଣକୁ ଦୃଷ୍ଟିରେ ରଖି ସାର୍ବଜନୀନ ପୂଜା ପରିବର୍ତ୍ତେ କଟକଣା ମଧ୍ୟରେ ପୂଜା ଶେଷ କରିବା ପାଇଁ SOP ଜାରି କରିଛନ୍ତି ରାଜ୍ୟ ସରକାର । ଚଳିତବର୍ଷ ନିରାଡ଼ମ୍ବର ଭାବେ ବିନା ଭକ୍ତରେ ରାଜଧାନୀରେ ମା’ଙ୍କ ପୂଜା ଶେଷ କରିବା ନେଇ ବିଭିନ୍ନ ପୂଜା କମିଟିମାନେ କର୍ଯ୍ୟ ଜାରି ରଖିଛନ୍ତି ।
ଚଳିତବର୍ଷ ମଧ୍ୟ କୋଭିଡ SOPରେ ଶେଷ ହେବ ରାଜଧାନୀରେ ଲକ୍ଷ୍ମୀପୂଜା
ଗତକାଲି ବିଧି ମୁତାବକ କଳସ ସ୍ଥାପନ କରାଯାଇ ମା’ଙ୍କ ଆବାହନ କରାଯାଇଛି । ସେହିପରି ଆଜି ମା’ଙ୍କ ଚକ୍ଷୁଦାନ ପରେ ପୂଜା ଆରମ୍ଭ ହେବ । କୋଭିଡ କଟକଣା ନିର୍ଦ୍ଦେଶାବଳୀ ଅନୁଯାୟୀ ମଣ୍ଡପକୁ ଚାରିପଟୁ ଆବଦ୍ଧ କରି ସୀମିତ ସଂଖ୍ୟକ ତଥା ମାତ୍ର ୭ ଜଣ କର୍ମକର୍ତ୍ତାକୁ ନେଇ ପୂଜା କାର୍ଯ୍ୟ ଜାରି ରଖିଛନ୍ତି କମିଟି କର୍ମକର୍ତ୍ତା ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
