ଭୁବନେଶ୍ବର: ଶେଷ ହେଲା ଅର୍ପଣ ଥିଏଟର ଫେଷ୍ଟିଭାଲ । ଗତ 3ଦିନ ଧରି ଭଞ୍ଜ କଳାମଣ୍ଡପରେ ଚାଲିଥିବା ଏହି ଉତ୍ସବର ଶେଷ ସନ୍ଧ୍ୟାରେ ଅନୁଷ୍ଠାନ ପକ୍ଷରୁ ନାଟକ ‘ପାଗେଳି ରାଧା’ ପରିବେଷଣ କରାଯାଇଥିଲା । ଯାହାର ନିର୍ଦ୍ଦେଶନା ସୁଶାନ୍ତ ଶତପଥୀ ଦେଇଥିବା ବେଳେ କଳାକାରମାନେ ବେଶ ନିଖୁଣ ଭାବେ ନାଟକକୁ ପ୍ରଦର୍ଶନ କରିଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ପ୍ରତିବର୍ଷ ଭଳି ଚଳିତବର୍ଷ ମଧ୍ୟ କାର୍ଯ୍ୟକ୍ରମ ଆରମ୍ଭରେ 5ଜଣଙ୍କୁ ଶାନ୍ତିଦେବୀ ସମ୍ମାନ ପ୍ରଦାନ କରାଯାଇଛି । ସେମାନଙ୍କ ମଧ୍ୟରେ ମେଧାବୀ ଛାତ୍ର ନିର୍ମାଲ୍ୟ ପତି, ଟେଲି ଧାରାବାହିକ ବ୍ୟକ୍ତିତ୍ବ ସନ୍ତୋଷ ବିଶ୍ବାଳ, ଦେବରଞ୍ଜନ ସାମଲ, ସାମ୍ବାଦିକ ସତ୍ୟନାରାୟଣ ରାଉତରାୟ ଏବଂ ଲକ୍ଷ୍ମୀକାନ୍ତ ଦାସଙ୍କୁ ସମ୍ମାନିତ କରାଯାଇଥିଲା ।
ଉଦଯାପନୀ ସନ୍ଧ୍ୟାର ଅତିଥି ଭାବେ ରବୀନ୍ଦ୍ରନାଥ ଦାସ, ରମାକାନ୍ତ ମିଶ୍ର ପ୍ରମୁଖ ଅତିଥି ଯୋଗ ଦେଇଥିଲେ । କାର୍ଯ୍ୟକ୍ରମକୁ ଅନୁଷ୍ଠାନର ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ଜେନା ପରିଚାଳନା କରିଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
